Дырэктар вялікай кампаніі з Ваўкавыска — у СІЗА. Затрыманне Дзмітрыя Марозава мае некалькі парадаксальных акалічнасцяў
«Мегасіла» — адна з самых вялікіх транспартных кампаній Беларусі. Яе дырэктара затрымалі разам з усёй сям'ёй.
Дзмітрый Марозаў узначальвае кампанію «Мегасіла» з 2003 года. Гэта адна з найбуйнейшых кампаній у Ваўкавыскім раёне і адна з самых вялікіх транспартных кампаній Беларусі. На сёння ў ёй працуе каля 200 чалавек, а ў парку каля 80 аўтамабіляў.
Дзяржаўныя СМІ перадавалі, што агульны абарот кампаніі сягаў 50 мільёнаў даляраў.
30 верасня 2021 года падпольны «Рабочы рух» абвінаваціў кампанію ў тым, што яна супрацоўнічае з лукашысцкім рэжымам і дапамагае прадпрыемству «Гродна Азот» абыходзіць санкцыі. А ў маі 2022 года Марозаў атрымаў медаль «Ганаровы работнiк БАМАП» (ад Беларускай асацыяцыі міжнародных аўтаперавозчыкаў), які выдаецца за дасягненні ў транспартнай галіне.
Але ў верасні 2022 года на яго пачалі нападаць прапагандысты. На іх каналах выйшаў матэрыял, у якім «Мегасілу» абвінавацілі ў тым, што супрацоўнікі кампаніі «забяспечвалі пратэстоўцаў прахаладжальнымі напоямі», а Дзмітрый «змушаў супрацоўнікаў кампаніі сачыць за міліцыянтамі».
Ужо ў студзені 2023 года Дзмітрыя затрымалі разам з усёй сям'ёй. Па версіі Камітэта дзяржкантролю — за нясплату 270 тысяч рублёў падаткаў у выніку штучнага драблення бізнэсу (артыкул 243 КК), але адметна, што яго адзінага з усіх затрыманых пакінулі пад вартай.
Пару дзён таму па ўсіх дзяржаўных каналах выйшла відэа з Дзмітрыем Марозавым — так стала вядома, што яму «навесілі» артыкул 364 КК («Гвалт або пагроза прымянення гвалту да прадстаўніка ўлады»), а сам мужчына распавядае, што ўдзельнічаў у пратэстах. Прапагандысты згадваюць яго імя ў навіне пра «выяўленне экстрэмістаў». Вядома, што ён дагэтуль знаходзіцца пад вартай.
«Наша Нiва» — бастыён беларушчыны
ПАДТРЫМАЦЬЧытайце яшчэ:
Каля 30 чалавек звольнілі з адной арганізацыі ў Глыбокім па палітычных матывах
-
Экс-падпалкоўніку КДБ, які «зліў» тэлефонныя размовы Эйсмант пра гібель Рамана Бандарэнкі, дадалі год зняволення
-
Ці можна рабіць сэлфі ў прымерачнай крамы? Адвакатка патлумачыла, што дазволена
-
Сталі вядомыя падрабязнасці вясновай трагедыі ў Полацкім манастыры, калі жанчына загінула пры пажары. Усяму віной п'янства
Цяпер чытаюць
Адвакат Аляксандр Данілевіч: Мяне адвялі ў клетку на КПП і зачыталі ўказ для службовага карыстання пра памілаванне па просьбе Міжнароднага алімпійскага камітэта88
Каментары