Сейм Літвы 20 красавіка паспрабуе пераадолець прэзідэнцкае вета на закон аб абмежаваннях для беларусаў і расіян
Сейм Літвы ўхваліў уключэнне ў парадак дня сесіі пытання аб пераадоленні вета прэзідэнта Гітанаса Наўседы на закон аб абмежаваннях для грамадзян Расіі і Беларусі праз расійскае ваеннае ўварванне ва Украіну. Разгляд пытання па сутнасці адбудзецца 20 красавіка, паведаміла агенцтва BNS.
Прадстаўляючы пытанне ў парламенце, Кястуціс Будрыс, старшы дарадца прэзідэнта Літвы, заявіў, што рэжым Аляксандра Лукашэнкі нанёс Літве большую шкоду, чым крамлёўскі рэжым.
«Дзеянні беларускага рэжыму супраць Літвы наносяць яшчэ большую шкоду, чым дзеянні расійскага рэжыму супраць Літвы», — сказаў Кястуціс Будрыс.
Ён нагадаў, што беларускія ўлады праводзяць гібрыдную атаку супраць Літвы, выкарыстоўваючы для гэтага нелегальную міграцыю, а беларускі КДБ вельмі актыўна працуе ў Літве, шпіёніць за Літвой і прадстаўнікамі беларускай апазіцыі, якія жывуць у гэтай краіне.
Будрыс падкрэсліў, што закон аб абмежавальных мерах вельмі неабходны з пункту гледжання як нацыянальнай бяспекі, так і знешняй палітыкі, а нормы закона не пагоршаць становішча беларусаў, якія ўжо прыбылі і маюць тут дазвол на жыхарства.
«Прапановы прэзідэнта ніякім чынам не паўплываюць на дзейнасць дэмакратычнай апазіцыі Беларусі і Расіі ў Літве, яе статус, магчымасці ўехаць у яе з Беларусі і Расіі, то-бок атрымаць візу, і з гэтай візай атрымаць часовы дазвол на жыхарства ў Літве, статус электроннага рэзідэнта, набыць нерухомасць, калі яны адпавядаюць ужо прадугледжаным законам умовам, гэта значыць, пры пасярэдніцтве міністэрства, і для гэтага ёсць гуманітарныя падставы. На ўмовы апазіцыі гэта наўпрост ніяк не ўплывае», — падкрэсліў Кястуціс Будрыс.
Чытайце таксама:
Кіраўнік МЗС Літвы заклікаў адмяніць вета Наўседы: У беларусаў ёсць духоўны суверэнітэт
Літоўскі сейм прыняў некаторыя абмежаванні супраць грамадзян Беларусі і Расіі, але яны неістотныя
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары
на фота гляджу... наколькі розныя інтэр'еры (саўковы vs сучасны)
ды і ўвогуле ўсё