Прычынай бракавання Байдэнам кандыдатуры Бэна Уолеса на генсакратара НАТА стала пытанне F-16 для Украіны — медыя
Прэзідэнт ЗША Джо Байдэн нібыта заблакаваў кандыдатуру міністра абароны Вялікабрытаніі Бэна Уолеса на пасаду генеральнага сакратара НАТА праз тое, што Вялікабрытанія пачала прасоўваць ідэю навучання ўкраінскіх пілотаў на самалётах F-16 без згоды Вашынгтона. Пра гэта са спасылкай на свае крыніцы паведаміла The Telegraph, як піша «Еўрапейская праўда».
Як вядома, Бэн Уолес лічыўся адным з галоўных кандыдатаў на пасаду генеральнага сакратара НАТА ў выпадку адстаўкі цяперашняга генсакратара Енса Столтэнберга. Аднак неафіцыйна стала вядома, што Байдэн не падтрымаў яго кандыдатуру, хоць брытанскі прэм'ер Рышы Сунак лабіраваў такое рашэнне.
Прычынай пазіцыі Байдэна нібыта стала тое, што Вялікабрытанія пачала актыўна прасоўваць ідэю навучання ўкраінскіх пілотаў на знішчальніках F-16 і фармаваць кааліцыю з іншымі саюзнікамі ў гэтым пытанні, не атрымаўшы папярэдне згоды ЗША.
Выданне адзначае, што Лондан ужо не ўпершыню зрабіў смелы крок у пытаннях зброі для Украіны, спадзеючыся такім чынам падштурхнуць ЗША. Сама ж Вялікабрытанія не зможа даць Украіне F-16, паколькі не мае іх.
Таксама прэсе стала вядома, што Байдэн найбольш добразычліва ставіцца да кандыдатуры дзейнай прэзідэнткі Еўракамісіі Урсулы фон дэр Ляен, кадэнцыя якой на гэтай пасадзе якраз скончыцца да таго часу. У аўторак саюзнікі афіцыйна працягнулі мандат Енса Столтэнберга як генеральнага сакратара НАТА яшчэ на год, таму што не змаглі ўзгадніць кандыдатуру яго пераемніка. Столтэнберг займае гэту пасаду з восені 2014 года.
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1919
Каментары
Разница в полётных характеристиках не велика и не принципиальна.
Главное, это получить версию с более «дальнобойным» чем у орков на сушках и мигах радаром!
Ну и ракет к ним побольше 🤞