Белгазпрамбанк паведамляе, што цяпер фізічныя асобы могуць не толькі адкрываць бягучыя рахункі ў юанях, але і афармляць да іх практычна любыя аплатныя карткі. Такая інфармацыя апублікаваная на сайце фінансавай установы.
Папоўніць картку і рахунак можна некалькімі спосабамі: праз праграму BGPB mobile ці інтэрнэт-банкінг пераводам з карты на карту з правядзеннем валютна-абменнай аперацыі; праз банкаматы (толькі беларускімі рублямі). Таксама аперацыю можна правесці праз касы банка.
Калі ўладальнік папаўняе гэту картку — у яго прымуць любую наяўную валюту, у тым ліку беларускія рублі. Без карткі папоўніць рахунак у касе можна толькі юанямі.
Пералічыць грошы можна таксама па банкаўскіх рэквізітах, у дыстанцыйных сэрвісах або плацежных праграмах іншых банкаў шляхам пераводу сродкаў у АРІП.
Цяпер чытаюць
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары