Прызёрка Алімпійскіх гульняў Аляксандра Герасіменя цяпер вядзе трэніроўкі па плаванні ў Польшчы. Вядомая спартоўка распавяла, якія памылкі найбольш часта робяць плыўцы-аматары. Праверце сябе.
Падняты падбародак
Не трэба паднімаць вочы ўгару, каб паглядзець, куды плывеш. Становішча цела павінна быць роўным — у тым ліку і галава. Не бойцеся намачыць падбародак. Успомніце, як вы звычайна стаіце — вось такім жа павінна быць становішча цела ў вадзе. Калі вы пад час плавання бачыце людзей на пляжы, вы дакладна робіце ўсё няправільна.
Кісці няправільна ўваходзяць у ваду
Запомніце: кісць не павінна быць працягам рукі, яна павінна ўваходзіць у ваду крыху пад вуглом. Калі яны разам утвараюць лінію, то рука крыва ўваходзіць у ваду і ідзе ўбок замест таго, каб ісці наперад.
Няправільная праца ног ад калена
Часцей за ўсё недасведчаныя плыўцы проста згінаюць-разгінаюць калені. А нага павінна працаваць уся — у тым ліку і сцягно. Важна, каб у вадзе ногі былі практычна прамыя.
Плывец не паварочвае цела
Яшчэ адна памылка пачаткоўцаў — трымаць корпус у напружанні і інтэнсіўна працаваць рукамі. Трэба, каб падчас плавання цела круцілася як вінт, які закручваюць, — направа-налева для таго, каб было лёгка праносіць рукі. Плечы пры гэтым павінны перамяшчацца толькі ўніз-уверх.
Няправільнае размеркаванне цэнтра цяжару ўсяго цела
Уявіце, што вы стаіце на адной назе ці робіце «ластаўку» — каб выканаць гэтае практыкаванне, трэба злавіць баланс. Тое самае датычыцца і плавання. Даволі часта людзі не могуць злавіць баланс у вадзе, і тады ногі пачынаюць тануць і ператвараюцца ў якар, які прытарможвае. У выніку даводзіцца прыкладаць шмат сіл і энергіі для таго, каб прасунуць сябе наперад. А калі злавіць баланс, то можна лёгка плыць і атрымліваць асалоду замест таго, каб змагацца са стыхіяй.
Цяпер чытаюць
У рэстаране «Мак.бай» на загад Лукашэнкі перайменавалі амерыкана. Як назвалі?32
Каментары
спасиба, кэп)
оно не тонет