На выдаленне зуба — 10 хвілін. Мінздароўя вызначыла працягласць платнага прыёму ў стаматолага
Міністэрства аховы здароўя Беларусі вызначыла, як доўга павінен доўжыцца платны прыём у стаматолага. Новыя нормы часу і расходу матэрыялаў на платныя медпаслугі па стаматалогіі акрэслілі ў пастанове Міністэрства аховы здароўя №109 ад 7 ліпеня 2023 года, апублікаванай на Нацыянальным прававым інтэрнэт-партале.
Пастанова тычыцца платных стаматалагічных паслуг, якія аказваюць ІП і юрыдычныя асобы незалежна ад іх формы ўласнасці і падпарадкаванасці.
З дакумента вынікае, што на першасны агляд пацыента лекарам-спецыялістам стаматалагічнага профілю (зубным фельчарам) адводзіцца 20 хвілін. За гэты час спецыяліст павінен правесці абследаванне, паставіць дыягназ, скласці план лячэння і атрымаць ад пацыента згоду на медыцынскае ўмяшанне. Аказанне неадкладнай стаматалагічнай дапамогі ў гэтыя 20 хвілін не ўваходзіць.
Пры паўторным звароце агляд пацыента павінен доўжыцца 10 хвілін.
Калі пацыент звяртаецца па кансультацыю да стаматолага, то на яе адводзіцца 20 хвілін. У выпадку, калі патрабуецца кансультацыя спецыяліста стаматалагічнага профілю, які мае навуковую ступень ці вучонае званне, час прыёму павялічваецца да 40 хвілін.
На правядзенне анестэзіі адводзіцца 7 хвілін, накладанне часовай пломбы — 3 хвіліны. Колькі часу пойдзе на замену часовай пломбы на пастаянную, залежыць ад матэрыялу пломбы і стану зуба — у дакуменце прапісаны час кожнай аперацыі па лячэнні зуба.
На выдаленне зуба адводзіцца 10 хвілін.
Пастанова ўступае ў сілу 1 лістапада 2023 года.
Цяпер чытаюць
Лосік расказаў, як Бабарыку катавалі ў наваполацкай калоніі15
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары