Махляры аформілі крэдыт на мінчанку. Але яна паспела яго скасаваць
Здавалася, што падман пройдзе паводле звыклага сюжэта, але нешта пайшло не так. Пра гэты пазітыўны выпадак расказала мінская міліцыя.
Фота: «Наша Ніва»
Жанчыне патэлефанаваў незнаёмец, які прадставіўся міліцыянерам. Ён папярэдзіў яе пра спробу афармлення крэдыту на яе імя і падключыў да дыялогу нібыта работніка банка.
Каб захаваць грошы, суразмоўца прапанаваў спампаваць спецыяльны дадатак на тэлефон.
Жанчына выканала ўсе інструкцыі, пасля чаго атрымала SMS-апавяшчэнне аб ухваленні крэдыту на 12 тысяч рублёў.
У гэты момант яна зразумела, што трапілася на вуду аферыстаў, патэлефанавала ў банк і паспела скасаваць крэдыт.
Супрацоўнікі раённага ўпраўлення міліцыі правялі праверку і распачалі крымінальную справу.
Стала вядома, як затрымалі былога каліноўца Максіма Ралько2
Каментары