У Бешанковічах здаровы бусел адмаўляецца вяртацца ў дзікую прыроду. Вінаватыя людзі
У розныя службы Бешанковіцкага раёна ў жніўні людзі сталі рэгулярна звяртацца са зваротамі адносна бусла, які нібыта трапіў у бядотнае становішча і пастаянна знаходзіцца ў адным і тым жа месцы раённага цэнтра. Пры абследаванні птушкі ветэрынарнай службай было, аднак, устаноўлена, што яна абсалютна здаровая і жыццяздольная. А прычына, чаму яна не хоча жыць па законах дзікай прыроды, іншая, піша мясцовая раёнка «Зара».
 29-га жніўня птушку вывезлі за межы Бешанковічаў і там выпусцілі, але праз два дні яна зноў з'явілася на «прыкормленым» месцы. Прычынай гэтага стала неапраўданая шкадоба людзей, якія пачалі карміць птушку, у выніку чаго яна стала практычна ручной і, магчыма, страціла навыкі самастойна здабываць ежу. Існуе распаўсюджаная памылка сярод людзей аб тым, што кармленне дзікіх жывёл — высакародны і карысны ўчынак. Насамрэч жа гэта можа мець негатыўныя наступствы і нанесці шкоду як самім жывёлам, так і навакольнаму асяроддзю. Жывёлы і птушкі, якіх без патрэбы падкормліваюць, могуць сутыкнуцца з наступнымі праблемамі. 1. Пагаршэнне навыкаў самастойнага здабывання ежы Калі людзі пачынаюць рэгулярна карміць дзікіх жывёл, гэта можа прывесці да змены іх прыродных інстынктаў і навыкаў. Жывёлы, якія прывыклі атрымліваць ежу ад людзей, могуць страціць навыкі пошуку ежы і стаць залежнымі ад чалавека. Гэта можа адбіцца на іх здольнасці выжываць у дзікай прыродзе, асабліва калі крыніца лёгкадаступнай ежы раптоўна знікне. 2. Няправільны рацыён Кармленне дзікіх жывёл няправільнай ежай можа прывесці да сур'ёзных праблем з іх стрававальнай сістэмай і здароўем у цэлым. Дыета дзікіх жывёл разнастайная і залежыць ад натуральнага асяроддзя, у якім яны жывуць. Чалавечая ежа можа быць шкоднай для дзікіх жывёл, яна можа змяшчаць інгрэдыенты, якія наносяць шкоду іх здароўю. 3. Распаўсюджванне хвароб Калі дзікія жывёлы збіраюцца вакол месцаў, дзе людзі рэгулярна кормяць іх, гэта садзейнічае перадачы інфекцый і распаўсюджванню хвароб. Некаторыя захворванні, якія бяспечныя для чалавека, могуць быць небяспечнымі для дзікіх жывёл і наадварот. Кармленне дзікіх жывёл можа стварыць умовы для эпідэмій і пагражаць папуляцыі жывёл. 4. Змена экасістэмы Узаемадзеянне дзікіх жывёл з іх прыродным асяроддзем і іншымі відамі жывёл у экасістэме — складаны і ўразлівы баланс. Кармленне дзікіх жывёл можа парушыць гэты баланс, прывесці да канкурэнцыі за рэсурсы і змены прыродных папуляцый. Гэта можа мець негатыўны ўплыў на іншыя віды і на саму экасістэму ў цэлым. Лепшым падыходам да дзікіх жывёл ёсць назіранне і павага іх натуральных паводзін і асяроддзя пасялення. Дзікая прырода павінна заставацца дзікай.
|
У Расонскім раёне бусел пакалечыўся, заблытаўшыся ў галінах дрэва
Рыбалка па-беларуску be like. Нічога незвычайнага, проста бусел вырашыў з'есці чужы ўлоў ВІДЭА
У Столінскім раёне электрыкі ставяць спецыяльныя апоры для гнездавання буслоў
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА124
Каментары