Легенды з 80-х і 90-х: той рэдкі выпадак, калі ў Беларусі гэтыя машыны таннейшыя, чым у Германіі
«Бочкі», «цыгары»… Паглядзелі, па якіх цэнах цяпер можна набыць аўтамабілі, пра якія людзі марылі ў 90-я.
Audi
Аўдзі 100 у кузаве С3 выпускалі з 1982 па 1991 год. За свае формы і даўжыню ў народзе яе празвалі «цыгарай». Гэтыя машыны спадабаліся беларусам, можна сказаць, адразу пасля таго, як з'явілася магчымасць прывозіць машыны з Еўропы.
У 1988 годзе мадэль перажыла рэстайлінг. Замест старамодных дзвярных ручак з'явіліся больш сучасныя так званыя «ўтопленыя» ручкі. Моцныя змены перажыў салон аўтамабіля. Цяпер, як і раней, найбольшым попытам карыстаюцца менавіта рэстайлінгавыя аўтамабілі.
Цэны на такія Аўдзі пачынаюцца з 1000 даляраў. Столькі просяць за аўтамабілі у не найлепшым стане. А вось за самыя дарагія варыянты просяць ужо ад 2500 да 3000 даляраў.
«Цыгара» карысталася папулярнасццю не толькі ў Беларусі, але і па ўсім свеце. За 19 гадоў вытворчасці было выпушчана больш за мільён такіх машын.
«Бочка»
Яшчэ адзін бэстсэлер ад Audi — Audi 80 B3, якую у народзе празвалі «бочкай».
Audi 80 трэцяга пакалення выпускалі з 1986 па 1991 год.
На сёння, у залежнасці ад стану, такія аўто прадаюць па цэнах ад 800—900 даляраў.
А вось за аўтамабілі ў візуальна годным стане просяць просяць нават па 3 тысячы і болей.
«Бочка» палюбілася беларусам перш за ўсё сваёй простасцю ў абслугоўванні, надзейнасцю і даволі стойкім да карозіі кузавам. Некаторыя прадаўцы адзначаюць, што нягледзячы на гады машыну ні разу не варылі.
BMW
Аўтамабілі баварскай маркі на постсавецкай прасторы ў народзе расшыфроўвалі, як баявая машына вымагальніка (БМВ), бо аўтамабілі гэтай маркі карысталіся попытам у крымінальным асяроддзі.
Адной з самых папулярных была «пяцёрка» ў кузаве е34. Гэтая мадэль выпускалася з 1988 па 1996 год. Таму яна заставалася папулярнай для прыгодаў і ў нулявыя. За дзевяць гадоў выпуску было выпушчана 1 333 412 BMW у кузаве е34.
Да сённяшніх дзён дажылі нямногія. Цэны на аўтамабілі, якія, згодна з апісаннем, здольныя перамяшчацца з пункту А ў пункт Б, пачынаюцца з 1300 даляраў.
Дагледжаныя экзэмпляры прадаюць ужо па цэнах ад 3 тысяч даляраў. За самыя дарагія варыянты просяць па 5 тысяч даляраў і болей.
Такія машыны цэняцца не толькі ў Беларусі. Гэтыя BMW ужо падпадаюць пад тэрмін янгтаймер. Таму цэны на іх у Еўропе ні крыху не меншыя за нашыя. І таннець такія аўто ўжо дакладна не будуць.
Сярод прадаваных у Беларусі ёсць цікавыя варыянты, як белая Е34 1992 года выпуску. Просяць за машыну $8000.
Пад капотам у яе 2-літровы бензінавы рухавік. Калі верыць апісанню, у гэтага аўтамабіля родныя парогі і дно.
Таксама няблага выглядае зялёная «пяцёрка» ў кузаве ўніверсал за 4950, якую прадаюць у Гродне.
Яшчэ адзін бестселер ад BMW — гэта «тройка» ў кузаве Е36. Мадэль выпускалася з 1990 па 2000 год. Цэны на такія аўто вельмі розныя. За самыя запушчаныя варыянты просяць ад 1000 даляраў. А вось за «жывыя» е36 просяць ужо ад 3 тысяч даляраў і больш. Самымі каштоўнымі з'яўляюцца аўтамабілі ў кузаве купэ з рухавіком ад 2 літраў.
Адзін з вартых увагі варыянтаў прадаецца ў Мінску. За машыну 1996 года выпуску просяць $4350. Аўтамабіль выглядае бадзёра, хоць нават па фота відаць, як некаторыя элементы кузава адрозніваюцца адценнем ад іншых.
Тым не менш, агульны выгляд і стан салона сведчаць аб тым, што машына даволі добра захавалася. Да таго ж, у яе даволі багатая камплектацыя. Пад капотам 6-цаліндравы рухавік аб'ёмам 2 літры, аўтаматычная каробка перадач, двухзонавы клімат-кантроль.
Mercedes-Benz
Mercedes-Benz у 124-м кузаве выпускаўся з 1984 па 1996 год. Мадэль была настолькі папулярная, што ўжо ў сярэдзіне лета 1992 года быў выпушчаны двухмільённы экзэмпляр.
За ўвесь час вытворчасці аўтамабіль перажыў два рэстайлінгі, у 1989-м і 1993-м. Пасля другога рэстайлінгу 124-ты стаў называцца «Е-класам».
Рэстайлінгавыя «Мэрсы» прадаюцца па цэнах ад 1500 даляраў. Але большая частка машын у продажы каштуе 3000 даляраў і больш.
За самыя дарагія просяць больш за 5 тысяч. Найбольш каштоўнымі з'яўляюцца аўтамабілі ў кузаве купэ. Іх у продажы ўсяго 8 штук на ўсю Беларусь. А рэстайлінгавых — усяго тры.
Адзін з цікавых варыянтаў прадаецца за $5600. Столькі просяць за машыну 1994 года выпуску з бензінавым рухавіком аб'ёмам 2,2 літра.
Заўважна, што цэны на Mercedes-Benz w124 з двума дзвярыма ў Германіі яшчэ большыя, чым у Беларусі. Там самы танны рэстайлінгавы w124 у кузаве купэ прадаецца за 4500 еўра, а ўжо наступны па цане аўтамабіль ацэнены ў 5,5 тысяч еўра.
Чытаце таксама:
Як у часы СССР. Каб купіць Geely, трэба чакаць у чарзе
Глядзіце і плачце. Колькі маглі б каштаваць аўтамабілі, калі б Беларусь не ўступіла ў Мытны саюз
У Брэсце ёсць свая Барбі. Яна рассякае па горадзе на ружовым BMW F30
На абедзе Лукашэнкі і Сі Цзіньпіна прысутнічала і адзіная дачка кітайскага лідара11
Каментары