Aŭto88

Lehiendy z 80-ch i 90-ch: toj redki vypadak, kali ŭ Biełarusi hetyja mašyny tańniejšyja, čym u Hiermanii

«Bočki», «cyhary»… Pahladzieli, pa jakich cenach ciapier možna nabyć aŭtamabili, pra jakija ludzi maryli ŭ 90-ja.

Fota: av.by, kałaž «Naša Niva»

Audi

Aŭdzi 100 u kuzavie S3 vypuskali z 1982 pa 1991 hod. Za svaje formy i daŭžyniu ŭ narodzie jaje prazvali «cyharaj». Hetyja mašyny spadabalisia biełarusam, možna skazać, adrazu paśla taho, jak źjaviłasia mahčymaść pryvozić mašyny ź Jeŭropy.

U 1988 hodzie madel pieražyła restajlinh. Zamiest staramodnych dźviarnych ručak źjavilisia bolš sučasnyja tak zvanyja «ŭtoplenyja» ručki. Mocnyja źmieny pieražyŭ sałon aŭtamabila. Ciapier, jak i raniej, najbolšym popytam karystajucca mienavita restajlinhavyja aŭtamabili.

Ceny na takija Aŭdzi pačynajucca z 1000 dalaraŭ. Stolki prosiać za aŭtamabili u nie najlepšym stanie. A voś za samyja darahija varyjanty prosiać užo ad 2500 da 3000 dalaraŭ.

Fota: skrynšot z sajta av.by

«Cyhara» karystałasia papularnaśćciu nie tolki ŭ Biełarusi, ale i pa ŭsim śviecie. Za 19 hadoŭ vytvorčaści było vypuščana bolš za miljon takich mašyn.

«Bočka»

Jašče adzin bestseler ad Audi — Audi 80 B3, jakuju u narodzie prazvali «bočkaj». 

Audi 80 treciaha pakaleńnia vypuskali z 1986 pa 1991 hod. 

Na siońnia, u zaležnaści ad stanu, takija aŭto pradajuć pa cenach ad 800—900 dalaraŭ. 

Fota: skrynšot z sajta av.by

A voś za aŭtamabili ŭ vizualna hodnym stanie prosiać prosiać navat pa 3 tysiačy i bolej. 

Fota: skrynšot z sajta av.by

«Bočka» palubiłasia biełarusam pierš za ŭsio svajoj prostaściu ŭ absłuhoŭvańni, nadziejnaściu i davoli stojkim da karozii kuzavam. Niekatoryja pradaŭcy adznačajuć, što niahledziačy na hady mašynu ni razu nie varyli.

BMW

Aŭtamabili bavarskaj marki na postsavieckaj prastory ŭ narodzie rasšyfroŭvali, jak bajavaja mašyna vymahalnika (BMV), bo aŭtamabili hetaj marki karystalisia popytam u kryminalnym asiarodździ. 

Adnoj z samych papularnych była «piaciorka» ŭ kuzavie je34. Hetaja madel vypuskałasia z 1988 pa 1996 hod. Tamu jana zastavałasia papularnaj dla pryhodaŭ i ŭ nulavyja. Za dzieviać hadoŭ vypusku było vypuščana 1 333 412 BMW u kuzavie je34. 

Da siońniašnich dzion dažyli niamnohija. Ceny na aŭtamabili, jakija, zhodna z apisańniem, zdolnyja pieramiaščacca z punktu A ŭ punkt B, pačynajucca z 1300 dalaraŭ. 

Dahledžanyja ekzemplary pradajuć užo pa cenach ad 3 tysiač dalaraŭ. Za samyja darahija varyjanty prosiać pa 5 tysiač dalaraŭ i bolej.

Fota: skrynšot z sajta autoplius.lt

Takija mašyny ceniacca nie tolki ŭ Biełarusi. Hetyja BMW užo padpadajuć pad termin janhtajmier. Tamu ceny na ich u Jeŭropie ni krychu nie mienšyja za našyja. I tańnieć takija aŭto ŭžo dakładna nie buduć.

Siarod pradavanych u Biełarusi jość cikavyja varyjanty, jak biełaja Je34 1992 hoda vypusku. Prosiać za mašynu $8000.

Fota: av.by, kałaž «Naša Niva»

Pad kapotam u jaje 2-litrovy bienzinavy ruchavik. Kali vieryć apisańniu, u hetaha aŭtamabila rodnyja parohi i dno.

Taksama niabłaha vyhladaje zialonaja «piaciorka» ŭ kuzavie ŭniviersał za 4950, jakuju pradajuć u Hrodnie.

Fota: av.by, kałaž «Naša Niva»

Jašče adzin biestsieler ad BMW — heta «trojka» ŭ kuzavie Je36. Madel vypuskałasia z 1990 pa 2000 hod. Ceny na takija aŭto vielmi roznyja. Za samyja zapuščanyja varyjanty prosiać ad 1000 dalaraŭ. A voś za «žyvyja» je36 prosiać užo ad 3 tysiač dalaraŭ i bolš. Samymi kaštoŭnymi źjaŭlajucca aŭtamabili ŭ kuzavie kupe z ruchavikom ad 2 litraŭ. 

Adzin z vartych uvahi varyjantaŭ pradajecca ŭ Minsku. Za mašynu 1996 hoda vypusku prosiać $4350. Aŭtamabil vyhladaje badziora, choć navat pa fota vidać, jak niekatoryja elemienty kuzava adroźnivajucca adcieńniem ad inšych.

Fota: av.by, kałaž «Naša Niva»

Tym nie mienš, ahulny vyhlad i stan sałona śviedčać ab tym, što mašyna davoli dobra zachavałasia. Da taho ž, u jaje davoli bahataja kamplektacyja. Pad kapotam 6-calindravy ruchavik abjomam 2 litry, aŭtamatyčnaja karobka pieradač, dvuchzonavy klimat-kantrol.

Mercedes-Benz

Mercedes-Benz u 124-m kuzavie vypuskaŭsia z 1984 pa 1996 hod. Madel była nastolki papularnaja, što ŭžo ŭ siaredzinie leta 1992 hoda byŭ vypuščany dvuchmiljonny ekzemplar.

Za ŭvieś čas vytvorčaści aŭtamabil pieražyŭ dva restajlinhi, u 1989-m i 1993-m. Paśla druhoha restajlinhu 124-ty staŭ nazyvacca «Je-kłasam».

Restajlinhavyja «Mersy» pradajucca pa cenach ad 1500 dalaraŭ. Ale bolšaja častka mašyn u prodažy kaštuje 3000 dalaraŭ i bolš.

Fota: av.by, kałaž «Naša Niva»

Za samyja darahija prosiać bolš za 5 tysiač. Najbolš kaštoŭnymi źjaŭlajucca aŭtamabili ŭ kuzavie kupe. Ich u prodažy ŭsiaho 8 štuk na ŭsiu Biełaruś. A restajlinhavych — usiaho try.

Fota: av.by, kałaž «Naša Niva»

Adzin ź cikavych varyjantaŭ pradajecca za $5600. Stolki prosiać za mašynu 1994 hoda vypusku ź bienzinavym ruchavikom abjomam 2,2 litra.

Fota: skrynšot z sajta mobile.de

Zaŭvažna, što ceny na Mercedes-Benz w124 z dvuma dźviaryma ŭ Hiermanii jašče bolšyja, čym u Biełarusi. Tam samy tanny restajlinhavy w124 u kuzavie kupe pradajecca za 4500 jeŭra, a ŭžo nastupny pa canie aŭtamabil acenieny ŭ 5,5 tysiač jeŭra.

Čytacie taksama: 

Jak u časy SSSR. Kab kupić Geely, treba čakać u čarzie

Hladzicie i płačcie. Kolki mahli b kaštavać aŭtamabili, kali b Biełaruś nie ŭstupiła ŭ Mytny sajuz

U Breście jość svaja Barbi. Jana raśsiakaje pa horadzie na ružovym BMW F30

Kamientary8

  • Kastuś
    10.09.2023
    bočka - eto audi 80 V4. Matčasť učitie
  • Brest siła
    10.09.2023
    Kastuś, da niet, kličku “bočka” iznačalno połučiła Audi 80 v kuzovie B3, odnako pozžie tak stali nazyvať i B4 (forma kuzova u nich odinakovaja). 
  • Kastuś
    10.09.2023
    Brest siła,nie budu sporiť nasčiet klički. U nas była b3, b4 po sravnieniju s niej boleje kruhłaja była (bočkastieje). b3 boleje kvadratnaja. No na mojej pamiati bočkami tolko b4 nazyvali.

Ciapier čytajuć

Izrail nanios udary pa Iranie. Zahinuŭ kiraŭnik Korpusa vartavych isłamskaj revalucyi2

Izrail nanios udary pa Iranie. Zahinuŭ kiraŭnik Korpusa vartavych isłamskaj revalucyi

Usie naviny →
Usie naviny

«Poŭny zaniapad u Litvie, Łatvii i Estonii». Pra što niedahavorvaje Ryžankoŭ39

Dyrektara minskaj kampanii aryštavali ŭ Maskvie1

U Viktoryi Azaranki skrali ajfon, terapieŭt dahnaŭ zładziužku i prydušyŭ7

«Heta viaršynia». Łukašenka zapatrabavaŭ ad čynoŭnikaŭ vypracavać nacyjanalnuju ideju63

U Indyi raźbiŭsia pasažyrski samalot. Na borcie byli 242 čałavieki

Zoaabaroncy napisali zajavu na haspadara doma, na kanapie jakoha pamior łoś17

«Kožny raz dakazvaju, što ja čałaviek». Siamja biełarusaŭ z polskimi karaniami čatyry hady sprabuje atrymać DNŽ u Polščy13

Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom7

Dziaŭčyna z-pad Maładziečna niekalki miesiacaŭ žyła ŭ Hdańsku na vulicy. Jana raskazała pra svajo niaprostaje žyćcio26

bolš čytanych navin
bolš łajkanych navin

Izrail nanios udary pa Iranie. Zahinuŭ kiraŭnik Korpusa vartavych isłamskaj revalucyi2

Izrail nanios udary pa Iranie. Zahinuŭ kiraŭnik Korpusa vartavych isłamskaj revalucyi

Hałoŭnaje
Usie naviny →

Zaŭvaha:

 

 

 

 

Zakryć Paviedamić