Як сёння шкодзяць беларускай прыродзе старадаўнія штучныя каналы?
Беларускія рэкі цякуць у розныя моры: адны ў Балтыйскае, другія — у Чорнае. Водападзел гэтых рачных басейнаў цягнецца праз усю Беларусь. Але некаторыя рэкі Чарнаморскага і Балтыйскага басейнаў здаўна звязаныя штучнымі каналамі, і сёння гэта не ідзе прыродзе на карысць, піша тэлеграм-канал «Дзікая прырода побач».
Каналы пракапалі яшчэ ў XVIII—XIX стагоддзях — галоўным чынам дзеля сплаву драўніны. Сёння гэтыя каналы людзьмі амаль не выкарыстоўваюцца.
Затое імі вельмі добра карыстаюцца чужародныя віды насельнікаў рэк, якія трапляюць у Беларусь і выцясняюць тут віды мясцовыя.
Так, з Украіны ў Прыпяць падняліся бычок-цуцык, бычок-кругляк, бычок-ганец і нават чарнаморская іголка-рыба — і праз гэтыя каналы яны могуць трапіць і ў рэкі Балтыйскага басейна, а потым і ў само Балтыйскае мора.
Уверх па рэках у Беларусь з Польшчы прыйшлі завезеныя ў Еўропу паласатыя амерыканскія ракі. Яны здольныя пераносіць надзвычай патагеннае для абарыгенных відаў ракаў захворванне — чуму ракаў, на якую самі не хварэюць. А так як водныя сістэмы звязаныя, то яны ўжо трапілі і ў рэчкі Чарнаморскага басейна.
Так праз дзейнасць чалавека адбываецца біялагічнае забруджванне вадаёмаў.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары