Праўладная група «Галасы ЗМеста» правяла серыю канцэртаў, каб сабраць сродкі на дапамогу «ДНР». Учора канцэрт быў у Мінску. Але на сцэну прабівацца, па прызнанні самой групы, ім няпроста.
Пра гэтыя канцэрты паведаміў Аляксандр Семчанка, прарасійскі палітолаг, які родам з Данецка.
Ён таксама прывёў словы лідара групы Дзмітрыя Бутакова пра тое, як музыкам нясоладка.
«Былі нюансы. Іпэшнік, які валодае дошкамі аб'яў на прыпынках, без тлумачэння прычын забараніў расклейваць афішы пра канцэрт. І ў выканкам паступалі званкі ад «грамадзян»: маўляў, навошта яго наогул праводзяць. Гэта са слоў арганізатараў.
Такая ж сітуацыя была і ў Пінску. У гэтым сэнсе нашы два гарады самыя бэчэбэшныя. А гукарэжысёр, які ў нас у ДК (маецца на ўвазе ДК у горадзе Баранавічы — родным горадзе групы. — «НН») працуе і ставіць апаратуру, наогул адкрыта заявіў, што ён супраць Расіі», — казаў Бутакоў.
Лідар групы ў адным з інтэрв'ю хваліўся, што яны выпускаюць па дзве сатырычна-палітычныя песні на тыдзень. І тлумачыў, што іх не клічуць на цэнтральныя дзяржаўныя канцэрты, тым, што сітуацыя супакоілася і цяпер іх творчасць не такая запатрабаваная.
Пра групу «Галасы ЗМеста» шырокая грамадскасць даведалася пасля выбараў. Яна выконвала з'едлівыя агіткі аб пратэстах, дваровых чатах, апазіцыйных палітыках, а цяпер і на тэму вайны. У 2021-м групу збіраліся адправіць ад Беларусі на Еўрабачанне з песняй «Я навучу цябе». Але Еўрапейскі вяшчальны саюз у выніку дыскваліфікаваў Беларусь, бо гэта палітызаваная песня парушала правілы конкурсу.
У групу ўваходзяць былыя кавэзэшнікі з Баранавічаў.
У гарах Кыргызстана з дрона адшукалі целы зніклых беларускіх альпіністаў8
Каментары