22 лістапада Вярхоўная Рада Украіны прагаласавала за пастанову, якая прадугледжвае ўвядзенне спецыяльных эканамічных абмежаванняў у сферы абароннай прамысловасці Расіі і Беларусі. 20 лістапада іх прапанаваў увесці прэзідэнт Украіны Уладзімір Зяленскі.
Санкцыі распаўсюджваюцца на гандаль з беларускім і расійскім бізнэсам таварамі, якія падпадаюць пад закон аб дзяржкантролі міжнароднай перадачы тавараў вайсковага і падвойнага прызначэння. Таксама забаронена інвестыцыйная супраца ў сферы іх вытворчасці і здзелкі, заключаныя з прыцягненнем рэзідэнтаў трэціх краін. Цяпер немагчымая таксама перадача рэзідэнтам Расіі і Беларусі тэхналогій і правоў на аб’екты інтэлектуальнай уласнасці.
Акрамя таго, бізнэсу прадпісваецца перапыніць сумесныя праекты і прамысловыя праграмы ў сферы бяспекі і абароны з удзелам кампаній, у якіх заснавальнікамі з'яўляюцца рэзідэнты Расіі або Беларусі.
За ўвядзенне санкцый прагаласавалі 304 дэпутаты Вярхоўнай Рады.
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам14
Каментары
Украина столько не протянет!