Блогер Марк Фейгін зрабіў нечаканы прагноз.
Пад час стрыму Дзмітрыя Гардона Марк Фейгін адзначыў, што Пуцін абавязкова завядзе ва ўладу сваіх дачок. Але, па словах блогера, Расія — сэксісцкая краіна, і «жаночае пытанне ў палітыцы і ўладзе не простае». Пуцін хутчэй за ўсё выбярэ шлях максімальнага знаходжання ва ўладзе да сваёй немачы, да моманту, пакуль у яго не з'явіцца спадкаемец.
І тут Фейгін звяртае ўвагу на дзяцей Кабаевай: «Там ёсць сыны».
Блогер кажа, што па розных чутках, у Пуціна ад Кабаевай нібыта двое сыноў — Іван і Уладзімір, — і ён хоча дачакацца паўналецця аднаго з іх. Калі ўлічваць, што сувязь з Кабаевай у Пуціна меркавана адбывалася ў пачатку нулявых, то цяпер аднаму з сыноў магло споўніцца 9-10 гадоў.
«Думаю, што ён [Пуцін] для сябе канчаткова вызначыўся, што ягоную ўладу будзе прымаць ягоны сын. Сыну ў момант, калі ён будзе адчуваць немач, будзе 21 год ці 25 гадоў. Гэта пытанне заканадаўства. Яны, безумоўна, могуць гэта вырашыць.
Ці будзе пры ім рэгент — дачка Пуціна, — ці сам сын адразу зойдзе [у крэсла прэзідэнта], гэта ўжо тэхніка. Яны вырашаць. Ён ужо даслаў сігнал, што ўлада будзе дынастычнай. Іншай улады не будзе», — сцвярджае Фейгін.
Чытайце яшчэ:
Кабаева ўсё? Уладзімір Пуцін знайшоў новае каханне — гісторыка з лонданскай адукацыяй
Расследавальнікі расказалі, дзе жывуць Пуцін з Кабаевай і як выглядае іх жытло
«Расія — чалавекацэнтрычнае грамадства». Старэйшая дачка Пуціна дала вялікае інтэрвʼю
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары