Аўто

«Без ільгот!» У Беларусі пачалі прадаваць машыны, размытненыя адмыслова для перагону ў Расію

З 1 красавіка 2024 года расіяне больш не змогуць, як раней, рэгістраваць у сябе аўтамабілі з Беларусі, размытненыя па льготным тарыфе. Частка беларускіх перагоншчыкаў ужо адрэагавала на змены ў заканадаўстве ў суседняй краіне.

Ілюстрацыйны здымак. Фота: «Наша Ніва»

Пераплаціў 4500 еўра, каб мець магчымасць прадаць у Расію

У лютым — пачатку сакавіка на беларускім аўтамабільным рынку назіраўся ўсплёск попыту на аўто з боку расіян, якія хацелі паспець ускочыць у апошні вагон. Часу засталося няшмат. Таму некаторыя беларускія прадаўцы ўжо пачалі размытніваць аўто без ільгот, каб потым мець магчымасць перапрадаць іх у РФ.

Яскравы прыклад такога аўто — кабрыялет Mercedes-Benz E-Класа 2020 года выпуску. Пад капотам у яго рухавік аб'ёмам 3-літры. Мытныя плацяжы па поўным тарыфе абышліся ў 9000 еўра.

Калі б машыну размытнілі на льготніка, то сума была бы 4500 еўра. Нават з улікам узнагароды льготніку (умоўныя 1000 еўра), прадавец мог бы сэканоміць на мыце 3500 еўра. Але вырашыў гэтага не рабіць, бо ў такім выпадку машына была б не цікавая пакупнікам з РФ. 

Фота: скрыншот з сайта av.by

У апісанні прадавец акцэнтуе ўвагу, што мае на руках усе арыгінальныя дакументы і чэкі, якія пацвярджаюць, што машына размытнена на 100%, а значыць гатовая для экспарту ў РФ.

Адметна, што, згодна з базай даных мытні, гэты Mercedes-Benz размытнілі 1 сакавіка — гэта пацвярджае той факт, што аўтамабіль прывезены менавіта з мэтай перапродажу.

«Мэрсэдэс» за 58 700 даляраў далёка не адзіная машына ў продажы, якую адмыслова размытнілі без ільгот.

Фота: скрыншот з сайта av.by

Хапае «размытненых на РФ» і больш танных аўто, як Peugeot 508 за $20 500, так і Audi A4 за 29 тысяч. 

Да нядаўняга часу аўтамабілі без выкарыстання льгот таксама размытнівалі, але гэта не было масава, ды і ў асноўным гэта былі машыны з рухавіком да 1, максімум 1,5 літра, дзе розніца ў мыце не такая вялікая.

Таксама зрэдку людзі маглі дазволіць сабе размытніць дарагі аўтамабіль без ільгот і з большым аб'ёмам рухавіка. Напрыклад, калі гэта былі такія дарагія аўто, як Porsche Macan або Volvo XC 90 з 2-літровымі рухавікамі. 

Дылема для перагоншчыкаў

У выпадку з машынамі з аб'ёмам рухавіка болей за 1,5 літра прадаўцам давядзецца вызначацца, на пакупнікоў з якой краіны яны разлічваюць. Калі выключна на ўнутраны рынак, то ёсць сэнс шукаць ільготніка. А калі на РФ, то «вешалкай» можа быць любы жыхар Беларусі або сам перагоншчык ці нехта з ліку яго сям'і.

Сітуацыя нечым нагадвае пачатак 2010-х, калі на беларускім рынку было два тыпы аўто: прахадныя на Расію і Казахстан (размытненыя да 2010 года) і непрахадныя (размытненыя ў перыяд з 1 студзеня 2010 года па 1 ліпеня 2011 года).

Адпаведна, крыху адрозніваліся і цэны на такія машыны, бо адныя можна было перапрадаць у Расію або Казахстан, а іншыя былі прызначаныя толькі для ўнутраных пакупнікоў.

Чытайце таксама: 

Кітайскі аўтапрам заваёўвае свет. Не без дапамогі Захаду

У Еўрасаюзе могуць адмяніць забарону на продаж дызельных і бензінавых аўто з 2035 года

Каментары

Цяпер чытаюць

Амерыканскі авіяблогер: Літаральна кожны беларус, з кім я размаўляў пра палітыку, казаў, што Лукашэнка — абсалютны вар’ят2

Амерыканскі авіяблогер: Літаральна кожны беларус, з кім я размаўляў пра палітыку, казаў, што Лукашэнка — абсалютны вар’ят

Усе навіны →
Усе навіны

У каталіцкую духоўную семінарыю ў Гродне сёлета паступіла рэкордная колькасць хлопцаў. Чвэрць — з усходніх абласцей1

ЗША працуюць над месцам сустрэчы Трампа, Пуціна і Зяленскага ў канцы наступнага тыдня

У Лельчыцах мужчына захацеў ашчадзіць на корме для сабак і моцна памыліўся1

«Вялікая савецкая армія перамагае малую савецкую армію». УСУ сталі прайграваць на полі бою пасля вяртання да старых практык10

Прыярытэт — спыненне агню. Зяленскі і еўрапейскія лідары паразмаўлялі з Трампам2

На дапамогу ахвярам рэпрэсій у Беларусі еўрапейцы выдзелілі больш за 2,4 мільёна еўра8

Цэны на аўтобусныя білеты з Мінска ў Вільню імкліва падскочылі за дзень1

«Я не дыктатар, мне ў галаву не прыйдзе змяняць Канстытуцыю». Прэзідэнт Сербіі Вучыч заявіў, што не пойдзе на трэці тэрмін2

Прапагандыст Ігар Тур пахваліўся, як па ўказе Лукашэнкі косіць свой участак пяты раз за год10

больш чытаных навін
больш лайканых навін

Амерыканскі авіяблогер: Літаральна кожны беларус, з кім я размаўляў пра палітыку, казаў, што Лукашэнка — абсалютны вар’ят2

Амерыканскі авіяблогер: Літаральна кожны беларус, з кім я размаўляў пра палітыку, казаў, што Лукашэнка — абсалютны вар’ят

Галоўнае
Усе навіны →

Заўвага:

 

 

 

 

Закрыць Паведаміць