УНС пройдзе 24-25 красавіка.
Цалкам сфармаваны склад удзельнікаў УНС, дэлегатамі будуць 1162 чалавекі. Пра гэта паведаміў прэм'ер-міністр Раман Галоўчанка на нарадзе ў Аляксандра Лукашэнкі па пытаннях падрыхтоўкі «Усебеларускага народнага сходу», — піша БелТА.
Аргкамітэт па падрыхтоўцы пасяджэння УНС, па словах прэм'ер-міністра, шчыльна працаваў, і ўсе даручэнні «выконваюцца службовымі асобамі вычарпальна і своечасова».
«На бягучы момант цалкам сфармаваны склад удзельнікаў УНС. Дэталёва адпрацаваныя пытанні іх транспарціроўкі, размяшчэння, харчавання, бяспекі, — сказаў Раман Галоўчанка. — Усяго на гэты момант 1162 дэлегаты, у іх ліку на пасадзе 412 чалавек, шляхам абрання — 750 чалавек, у тым ліку 402 мужчыны і 348 жанчын».
Ад мясцовых саветаў дэпутатаў для ўдзелу дэлегаваныя 350 чалавек, ад так званай «грамадзянскай супольнасці» — 400. «Усе працэдуры абрання дэлегатаў праведзеныя ў поўнай адпаведнасці з законам», — падкрэсліў прэм'ер-міністр.
Што датычыцца запрошаных асоб, якія не з'яўляюцца дэлегатамі, але бяруць удзел у УНС, – іх 715 чалавек, у тым ліку 68 «заслужаных прадстаўнікоў беларускага грамадства» і 7 рэгіянальных дэлегацый, у кожную з якіх уваходзяць 68 чалавек, уключаючы прадстаўнікоў рэгіянальных афіцыйны' СМІ, сферы аховы здароўя, адукацыі, сілавога блока, прадпрыемстваў, а таксама былыя кіраўнікі рэгіёнаў і ганаровыя грамадзяне адміністрацыйна-тэрытарыяльных адзінак.
Ва УНС запланавана прысутнасць 31 замежніка.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары