Беларусь не атрымала запрашэння да ўдзелу ў Саміце міру ў Швейцарыі — Алейнік
Кіраўніка МЗС Сяргея Алейніка спыталі, ці будуць удзельнічаць Беларусь і Расія ў «мірным саміце» ў Швейцарыі.
Ён адказаў, што Беларусь не атрымлівала пакуль запрашэння ад швейцарскага боку.
«Ведаем, што такі саміт рыхтуецца. Лічым, што адсутнасць запрашэння абсалютна не адлюстроўвае тую рэальнасць, якая складваецца ў еўрапейскім рэгіёне, і той уклад, які Беларусь уносіла і працягвае насіць у мірнае ўрэгуляванне ўкраінскага крызісу.
Мы натуральна, зыходзім з таго, што любыя мерапрыемствы любыя канферэнцыі, якія тычацца еўрапейскай бяспекі без удзелу Беларусі і Расіі не маюць ні перспектывы, ні сэнсу», — адказаў Алейнік.
Саміт міру па Украіне адбудзецца 15-16 чэрвеня ў Швейцарыі. Ён будзе накіраваны на стварэнне канкрэтнай дарожнай карты сканчэння вайны. Расія не будзе прымаць удзел у саміце, але швейцарскі ўрад выказаў спадзяванне, што прадстаўнікі Расіі калі-небудзь змогуць далучыцца да абмеркавання мірнага ўрэгулявання ва Украіне, перадае агенцтва АР.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары