Biełaruś nie atrymała zaprašeńnia da ŭdziełu ŭ Samicie miru ŭ Šviejcaryi — Alejnik
Kiraŭnika MZS Siarhieja Alejnika spytali, ci buduć udzielničać Biełaruś i Rasija ŭ «mirnym samicie» ŭ Šviejcaryi.
Jon adkazaŭ, što Biełaruś nie atrymlivała pakul zaprašeńnia ad šviejcarskaha boku.
«Viedajem, što taki samit rychtujecca. Ličym, što adsutnaść zaprašeńnia absalutna nie adlustroŭvaje tuju realnaść, jakaja składvajecca ŭ jeŭrapiejskim rehijonie, i toj układ, jaki Biełaruś unosiła i praciahvaje nasić u mirnaje ŭrehulavańnie ŭkrainskaha kryzisu.
My naturalna, zychodzim z taho, što lubyja mierapryjemstvy lubyja kanfierencyi, jakija tyčacca jeŭrapiejskaj biaśpieki biez udziełu Biełarusi i Rasii nie majuć ni pierśpiektyvy, ni sensu», — adkazaŭ Alejnik.
Samit miru pa Ukrainie adbudziecca 15-16 červienia ŭ Šviejcaryi. Jon budzie nakiravany na stvareńnie kankretnaj darožnaj karty skančeńnia vajny. Rasija nie budzie prymać udzieł u samicie, ale šviejcarski ŭrad vykazaŭ spadziavańnie, što pradstaŭniki Rasii kali-niebudź zmohuć dałučycca da abmierkavańnia mirnaha ŭrehulavańnia va Ukrainie, pieradaje ahienctva AR.
Ciapier čytajuć
Zała ŭ Minsku ŭstała pry vykanańni «Malitvy» Janki Kupały VIDEA3
Kamientary