Шайгу заявіў аб планах павысіць інтэнсіўнасць удараў па лагістыцы Украіны
Кіраўнік расійскага вайсковага ведамства заявіў, што баявы патэнцыял Узброеных сіл Расіі не дазваляе ўкраінскім вайскоўцам утрымліваць лінію абароны.
Міністр абароны Расіі Сяргей Шайгу заявіў, што ўзброеныя сілы павысяць інтэнсіўнасць удараў па лагістычных цэнтрах і базах захоўвання Заходняй зброі ва Украіне, піша РБК.
«Узброеныя сілы Расіі працягнуць вырашаць пастаўленыя задачы да поўнага дасягнення мэтаў спецаперацыі», — сказаў ён.
Заява Шайгу прагучала на фоне рашэння Палаты прадстаўнікоў Кангрэса ЗША ўхваліць выдзяленне $ 61 млрд у дапамогу Украіне. Па даных Politico, у найбліжэйшы пакет увойдуць БМП Bradley, бронетранспарцёры М113, артылерыя, боепрыпасы, ракеты ATACMS. Таксама найбуйнейшы пакет ваеннай дапамогі Кіеву са снарадамі для СПА і крылатымі ракетамі Storm Shadow анансавала Вялікабрытанія.
Таксама кіраўнік ваеннага ведамства распавёў, што расеійскія вайскоўцы валодаюць ініцыятывай па ўсёй лініі баявога судакранання. «Наш высокі баявы патэнцыял дазваляе пастаянна аказваць агнявое ўздзеянне на праціўніка, не даваць яму ўтрымліваць лінію абароны», — сказаў ён.
Шайгу таксама нагадаў, што за апошнія дні расейскія вайскоўцы занялі ў Данбасе Багданаўку, Новаміхайлаўку і Першамайскае. Паводле яго слоў, ідзе пашырэнне зоны кантролю ў Георгіеўцы (на захад ад Мар'інкі) і ў Бердычах (на паўночны захад ад Аўдзееўкі).
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра12
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары