Азараў — пра актывіста Глеба Сандраса: «Не прайшоў паліграф на супрацу з рэжымам»
Пасля скандальнага вылету з выбараў у Каардынацыйную раду Аляксандр Азараў прыйшоў на стрым да «Еўрарадыё». Там былы сілавік абвінаваціў актывіста Глеба Сандраса, які яго крытыкаваў, у сувязях з лукашэнкаўцамі.
Некалькі дзён таму грымнуў скандал вакол Аляксандра Азарава: былы сілавік выкарыстаў чат-бот плана «Перамога» для закліку галасаваць за яго і яго каманду на выбарах у Каардынацыйную раду. Пасля гэтага і Азараў, і ўвесь яго спіс былі выключаныя з удзелу ў выбарах.
Пра гэтую гісторыю публічна выказаўся актывіст і блогер Глеб Сандрас, які таксама атрымаў паведамленне з заклікам галасаваць за Азарава:
«Уяўляю сабе слесара на МАЗе — маўляў, еду я раніцай на змену ў грамадскім транспарце і тут мне і ўмоўна палове тралейбуса пачынае гэта ўсё прыходзіць. Што мне застаецца рабіць? Скідваць тэлефон да заводскіх наладак? Выкідвацца ў акно тралейбуса? Чым думалі людзі, якія рассылалі гэта ўсё, мо канкрэтна Азараў, я ўявіць не магу».
У адказ на гэта Азараў абвінаваціў апанента ў супрацы з рэжымам Лукашэнкі. Маўляў, два гады таму Сандрас, актывіст «Рабочага Руху», мусіў прайсці праз паліграф. Але, кажа Азараў, усё пайшло не па плане:
«Ён паліграф не прайшоў, у яго запаліліся чырвоныя кропачкі — супрацоўніцтва з рэжымам Лукашэнкі. Пра гэта «Рабочы Рух» ведае. Цяпер я разумею, чаму Глеб Сандрас пайшоў публічна на гэтае інтэрв’ю — каб дыскрэдытаваць нас, маўляў, мы стварылі праблему. Трэба проста вучыцца правільна выдаляць бот, лічбавая бяспека. Калі ён не ўмее, я ж яго не навучу».
Сам Глеб Сандрас адмовіўся пракаментаваць «Нашай Ніве» абвінавачванні Азарава.
«Наша Нiва» — бастыён беларушчыны
ПАДТРЫМАЦЬЦяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі3
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары