За апошнія два дні ў Падляскім аддзяленні, на мяжы з Беларуссю, было здзейснена больш за 300 спробаў незаконнага перасячэння мяжы.
У сераду было зарэгістравана 152 выпадкі, звязаныя з нелегальнай міграцыяй. «Агрэсіўныя замежнікі, якія знаходзіліся за тэхнічным бар'ерам, некалькі разоў атакавалі польскія службы. У выніку такіх агрэсіўных паводзін пацярпелі двое вайскоўцаў, якіх даставілі ў бальніцу», паведамляе падляскае аддзяленне Польскай памежнай службы.
Польска-беларускую мяжу мігранты спрабавалі незаконна перасекчы на ўчастках, якія ахоўваюцца заставамі ў Белавежы, Дубічах Царкоўных, Нараўцы, Міхалове і Чарэмшы.
Учора таксама былі затрыманыя чатыры кур'еры, якія перавозілі агулам 19 замежнікаў. У адным з выпадкаў затрыманы ў раёне Гайнаўкі грамадзянін Польшчы ў легкавым Volkswagen перавозіў 9 мігрантаў.
Тры разы за апошнія два дні памежнікі аказвалі дапамогу замежнікам, якія мелі патрэбу ў медыцынскай дапамозе, чатыры чалавекі былі дастаўлены ў бальніцу.
З пачатку гэтага года на ўчастку, які ахоўваецца Падляскім атрадам памежнай аховы, у Польшчу спрабавалі пранікнуць людзі з 35 краін, падсумоўвае польская памежная служба.
Раней у пачатку тыдня паведамлялася пра раненне польскага салдата ў выніку нападу мігрантаў.
-
У Беларусі прадаецца рэдкая манета, якую можна выкарыстоўваць як аб'ектыў у фотаапараце. Што за яна?
-
У беларускай краме ізраільскія авакада каштуюць танней, чым айчынныя агуркі
-
Беларусы расказалі, як 20 дзён хадзілі па арктычнай глухмені. Цяпер там ёсць перавалы Васіля Быкава і Уладзіміра Караткевіча
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары