Журналіста Дзяніса Івашына адправілі ў ШІЗА турмы № 8 у Жодзіна. Імаверна, там ён сустрэў свой 45-гадовы юбілей. Сувязі з палітвязням няма ўжо амаль тры тыдні.
Пра пакаранне Дзяніса Івашына з уласных крыніц даведаўся актывіст Вітаўт Сіўчык — сімвалічны «хросны» журналіста, піша БАЖ.
Паводле дадзеных Сіўчыка, Івашына змясцілі ў ШІЗА 21 траўня 2024 года на 10 сутак. 31 траўня тэрмін пакарання павінен быў скончыцца, але сувязі з палітвязням дагэтуль няма. Таму Вітаўт Сіўчык выказвае згадку, што журналіст па-ранейшаму застаецца ў ШІЗА і, верагодна, там і сустрэў сваё 45-годдзе 6 чэрвеня.
Фармальная прычына пакарання, паводле крыніцы, — гэта непадпарадкаванне адміністрацыі. «Насамрэч палітзняволенага журналіста спрабавалі перавесці ў іншую камеру, дзе, з вялікай імавернасцю, знаходзіўся чалавек «з нізкім статусам». Дзяніс адмовіўся туды заходзіць», — тлумачыць Сіўчык.
«Нагодай для пераводу нібыта сталася расфармаванне СІЗА‑1 на Валадарскага, і этап часткі вязняў з Пішчалаўскага замка ў Жодзіна. Але камера, у якой Дзяніс Івашын перабываў дагэтуль, не мае новых «жыхароў». Можна зрабіць выснову, што тэму пераводу проста выкарысталі, каб напярэдадні дня народзінаў адправіць Дзяніса ў катавальню карцара».
Раней жонка Дзяніса Вольга Івашына паведамляла, што лісты ад мужа перасталі прыходзіць ад 20 траўня.
«Падаецца, нашага ваяра намагаюцца псіхалагічна выбіць з раўнавагі, зламаць чарговымі катаваннямі», — напісала яна.
Дзяніса неаднаразова змяшчалі ў ШІЗА ў Магілёўскай калоніі, а ў 2021 годзе падчас знаходжання ў карцары Гарадзенскага СІЗА ў палітвязня здарыўся сардэчны прыступ.
Журналіст асуджаны на 13 гадоў і 1 месяц зняволення за сваю прафесійную дзейнасць.
Цяпер чытаюць
Што вядома пра дачку і зяця новага прэм'ера Турчына4
Каментары
Баюся, спадар Івашын зьдзейсьніў ўчынак супраць вучэньню інтэрсэкцыянізму і гендэрнай тэорыі таксама.
А я ў сваю чаргу хачу пажадаць бязьвіннаму хутчэйшага вызваленьня.