Беларускай рэстаўратаркі і аднаўляльніцы традыцыі батлейкі не стала ўначы 17 чэрвеня.
Пра гэта паведамілі яе сябры ў фэйсбуку.
Галіна Пятроўна Жаровіна нарадзілася 6 красавіка 1946 года ў сяле Усць-Зула Пермскай вобласці. У 1974 годзе скончыла Беларускі політэхнічны інстытут. Працавала да 1988 года ў сістэме «Белрэстаўрацыя», дзе выканала шматлікія праекты па рэстаўрацыі помнікаў архітэктуры Мінска, Гродна, Чачэрска, Нясвіжа і інш.
У 1981 годзе прынята ў Саюз архітэктараў Беларусі.
Пасля выкладала ў Мірскім дзяржаўным мастацкім ПТВ № 234 будаўніча-рэстаўрацыйных работ. Яе муж, мастацтвазнавец Валянцін Калнін, прысвяціў нямала сваіх публікацый мястэчку і Мірскаму замку.
У 1989 годзе Галіна Жаровіна арганізавала пры вучылішчы музей і тэатр-студыю «Мірская батлейка». Разам са сваімі вучнямі паставіла спектаклі «Цар Ірад», «Ганна Радзівіл» і іншыя.
Вернутая з небыцця традыцыя Мірскай батлейкі ў канцы 2022 года прызнаная нематэрыяльнай гісторыка-культурнай каштоўнасцю Беларусі.
«Наша Нiва» — бастыён беларушчыны
ПАДТРЫМАЦЬПамерла Наталля Афанасьева. Яна праектавала Мінскі планетарый і сталічныя жылыя кварталы
У Магілёве знішчаць гістарычную электрастанцыю пад праект забудоўшчыка. Знос ізноў выдаюць за рэканструкцыю
Рэстаўратарскі цуд адбыўся ў Стоўбцах ФОТА
Мірскую батлейку плануюць уключыць у спіс гісторыка-культурных каштоўнасцей Беларусі
Цяпер чытаюць
Малады работнік «Мінск-Арэны» павінен заплаціць 71 мільён даляраў3
Каментары