Саўмін Беларусі вызначыў пералік відаў дзейнасці, якія дазволены для дзейнасці ў якасці індывідуальных прадпрымальнікаў і самазанятых.
Апублікаваны спіс відаў дзейнасці для ІП. Так, прадпрымальнікі змогуць займацца такімі відамі, як раздробны гандаль, грамадскае харчаванне, рамонт аўтамабіляў і матацыклаў.
Таксама ў спіс увайшлі грузавыя і пасажырскія перавозкі, фота– і відэаздымка, арганізацыя канферэнцый і выставак, вытворчасць кандытарскіх вырабаў і выпечкі, а таксама некаторыя будаўнічыя работы.
Са спісу выключылі аптовы гандаль і наданне юрыдычных паслуг, у частцы «Аперацыі з нерухомай маёмасцю» прыбралі ацэнку нерухомай маёмасці, акрамя выпадкаў, звязаных са страхаваннем.
Пералік дзейнасці прадпрымальнікаў набудзе моц з 1 кастрычніка 2024 года. Па відах дзейнасці, што не ўвайшлі ў гэты пералік, спыняць рэгістрацыю новых ІП.
Што да дзейных ІП, то для іх прадугледжаны пераходны перыяд. Ён працягнецца да 31 снежня 2025-га. За гэты час трэба будзе перарэгістроўвацца ў камерцыйную арганізацыю, згодна з заканадаўствам.
Цяпер чытаюць
Беларус набыў кватэру ў Іспаніі, але яе занялі акупасы. Цяпер ён не можа яе вярнуць44
Каментары