У Германавічах сустрэліся былыя сябры Саюзу беларускіх патрыётаў
Сустрэча зь сябрамі Саюзу беларускіх патрыётаў 1945–1947 гг. прайшла ў в. Германавічы Шаркоўшчынскага раёну Віцебскай вобласці. У прыватным музэі краязнаўцы Ады Райчонак сабраліся дзесяць вэтэранаў патрыятычнага падпольля, а таксама моладзь.
Падпольная арганізацыя «Саюз беларускіх патрыётаў» стварылася ў 1945 г. у Глыбокай і Пастаўскай пэдвучэльнях. Некалькі дзясяткаў яе сяброў зьбіраліся мірнымі мэтадамі змагацца за незалежнасьць Беларусі. У 1947 г. арганізацыя была разгромленая органамі савецкай дзяржбясьпекі, а моладзь апынулася ў турмах і канцлягерах.
27 жніўня ў Германавічах адбылася сустрэча палітвязьняў розных пакаленьняў — прыехалі таксама і некалькі ўдзельнікаў сакавіцкага намётавага мястэчка ў Менску.
Сябры Саюзу беларускіх патрыётаў дзяліліся сваімі ўспамінамі, згадвалі тых, хто не дажыў да сёньняшняга дня, рабілі падарункі музэю, які паспрыяў іх сустрэчы, паведамляе нашая карэспандэнтка Алена Акуліч.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары