Алег Папоў доўгі час працаваў у часопісе «Вожык» і ў «Народнай газеце». Пра смерць мастака паведамілі знаёмыя ў сацсетках.
Алег Папоў нарадзіўся ў 1955 годзе. Ён займаўся карыкатурай 45 гадоў. Першы яго малюнак з’явіўся ў шматтыражнай газеце «Оптик» завода імя Вавілава. А потым маляваў карыкатуры для «Вечернего Минска», «Мінскай праўды», «Советской Белоруссии». Пасля быў «Вожык», «Народная газета».
«Карыкатурыст — прафесія зусім не масавая: добра, калі адзін чалавек прыпадае на мільён жыхароў. Суадносіны, увогуле, не мяняюцца, нават калі гэта будзе Расія, Украіна ці Эстонія», — гаварыў Папоў, які за савецкім часам быў адным з самых вядомых у краіне карыкатурыстаў.
Алег Папоў працягнуў займацца гэтай справай і за перабудовай, і ў пралукашэнкаўскіх выданнях.
Цяпер чытаюць
«Хачу ўзяць інтэрв’ю» — «Не» — «Давайце я вас сфатаграфую» — «Не». Бяляцкі расказаў пра сустрэчу ў калоніі з Пратасевічам4
Каментары