Расстат перастаў публікаваць дэталёвую статыстыку інфляцыі, якая раскрывае рост цэн на кожны з тавараў і паслуг, якія ўлічваюцца ў спажывецкім кошыку.
Расстат не апублікаваў пакампанентныя даныя па інфляцыі за верасень, звярнулі ўвагу аналітыкі. Гаворка ідзе аб дэталёвай статыстыцы, якая раскрывае, наколькі падаражэў кожны з тавараў і відаў паслуг, якія ўлічвае Расстат у сваім спажывецкім кошыку.
Агульная лічба па інфляцыі за верасень была апублікаваная Расстатам 11 кастрычніка. І хоць з тых часоў прайшло больш за два тыдні, дэталёвыя даныя так і не з'явіліся ні на сайце Расстата, ні ў Адзінай міжведамаснай інфармацыйна-статыстычнай сістэме.
Для разліку месячнай інфляцыі Расстат улічвае цэны прыкладна 500 тавараў і паслуг, для тыднёвай інфляцыі — каля 100 найменняў.
Згодна з апошняй месячнай статыстыкай, інфляцыя ў верасні замарудзілася да 8,6% з 9% у жніўні і 9,1% у ліпені.
Пасля пачатку ўварвання ва Украіну расійскія ўлады ўжо засакрэцілі ўсю мытную статыстыку, даныя пра золатавалютных рэзервы ЦБ і дазволілі буйным кампаніям не раскрываць фінансавыя паказчыкі ў справаздачнасці. У 2023 годзе пад грыф «сакрэтна» патрапілі даныя аб здабычы ў Расіі нафты і газу, а ў 2024 годзе, пасля серыі налётаў украінскіх дронаў, Расстат перастаў публікаваць статыстыку вытворчасці бензіну і дызельнага паліва, піша The Moscow Times.
Аб знікненні статыстыкі Расстата па інфляцыі стала вядома неўзабаве пасля таго, як эканамісты Стакгольмскага інстытута эканомікі пераходнага перыяду заявілі, што расійскія ўлады, верагодна, фальсіфікуюць даныя па росце цэн і такім чынам завышаюць лічбы эканамічнага росту.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары