Яе выбар меню нязменны — суп дня, фіш-энд-чыпс і два келіхі шампанскага.
92-гадовая жанчына заслужыла званне «самага адданага кліента Брытаніі» — на працягу 37 гадоў яна штотыдзень наведвае адзін і той жа рэстаран, піша Бі-бі-сі.
З 1987 года Молі Робінсан абедае кожны чацвер у замку Лэнглі ў Нортумберлендзе.
Раней яна наведвала гэты сярэднявечны замак разам са сваім цяпер нябожчыкам мужам Джокам, і яны звычайна заставаліся там на ноч.
Яе выбар меню нязменны — яна заказвае суп дня і фіш-энд-чыпс, і запівае іх двума келіхамі шампанскага.
З таго часу, як яе муж памёр, спадарыня Робінсан пераважна наведвае замак сама — яна дабіраецца туды з дому за палову гадзіны на таксі.
Яна заўсёды прапануе персаналу келіх шампанскага, каб яны падзялілі з ёй абед.
Эйлід Уайз, памочніца аддзела ежы і напояў і па сумяшчальніцтве экскурсаводка, называе спадарыню Робінсан «VIP-кліенткай».
«У нас не павінна быць любімых кліентаў, але яна канкрэтна мая любімая», — кажа яна.
Менеджар установы Эйдэн Макгінэс адзначыў, што за той час, што спадарыня Робінсан наведвае іх установу, у ім змяніліся ўжо пяць розных менеджараў.
«За гэтыя гады яна пасябравала з незлічонай колькасцю наведвальнікаў і мела мноства сяброўскіх гутарак», — дадаў ён.
Місіс Робінсан кажа, што яна «любіць» замак і яго персанал.
Калі яна не даядае свой фіш-энд-чыпс, рэшткі стравы скормліваюць птушкам.
«Яны ўжо чакаюць радочкам», — сказала яна BBC Radio Newcastle.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»31
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары