У Пінску падчас рамонту дарогі пад асфальтам знайшлі старадаўні брук
Падчас рэканструкцыі вуліцы Брэсцкай у Пінску рабочыя знайшлі пад пластом асфальту і грунту стары каменны брук. Знаходку выявілі будаўнікі, якія працуюць на чарговым этапе мадэрнізацыі галоўнай гарадской магістралі, піша выданне «Медыя-Палессе».
Спецыялісты мяркуюць, што гэты брук з’явіўся яшчэ ў міжваенны перыяд, калі тэрыторыя ўваходзіла ў склад Польшчы, то-бок да 1939 года. Такія дарогі ў народзе часта называюць «трылінкай» або «польскай дарогай». Каб падрыхтаваць аснову для новай сучаснай дарогі, старажытнае пакрыццё цяпер разбіраюць.
Вуліца Брэсцкая лічыцца адным з найстарэйшых заходніх напрамкаў горада. Гісторыкі адзначаюць, што дарога на гэтым месцы існавала яшчэ ў канцы XV стагоддзя. Тут знаходзілася Берасцейская брама, праз якую падарожнікі выязджалі на Вялікую Берасцейскую дарогу.
Сучасны выгляд вуліца пачала набываць у XIX стагоддзі, калі Пінск развіваўся як прамысловы цэнтр. Побач з дарогай з’явіліся запалкавая фабрыка, фанерны і лесапільны заводы. Але доўгі час дарога заставалася ў дрэнным стане: пасля дажджоў яна ператваралася ў балота. Таму ў пачатку ХХ стагоддзя каменны брук стаў важным рашэннем, бо дазволіў забяспечыць рух транспарту да прадпрыемстваў.
Цяпер на месцы старой дарогі будуюць больш шырокую і сучасную магістраль. А знойдзены фрагмент маставой стаў напамінам пра гісторыю развіцця Пінска і пра тое, як горад паступова ператвараўся ў прамысловы цэнтр.
Ва Уруччы высекуць сквер пад праваслаўную царкву. Натхняліся раннехрысціянскай архітэктурай Рыма
Пад Мінскам хочуць стварыць музей крыжоў пад адкрытым небам. Знайшлося месца і для вусатай бабы
Сакрэты пабудовы першага Менска: польскія тэхналогіі і святыя дрэвы для сцен
У Брэсце пры саветах яўрэйскія могілкі закаталі пад стадыён. Цяпер там адкрылі першы ў краіне лапідарый. Але хто зруйнаваў могілкі, хаваюць
Каментары
она там была ВСЕГДА.. колхозные варвары частично её разобрали и перенесли на главную площадь, где она вообще не к месту в итоге.
а остальное эти уроды просто закатали в асфальт.
это знают все. эта "брусчатка" раньше была до самого Бреста. еще лет 20 назад она эксплуатировалась от Пинска за Дубое к трассе М-10. но всю эту историю где-то выкопали, а где-то закатали в асфальт.