Міліцыя папярэдзіла пра махлярскую схему «выпадковага пераводу»
Сутнасць гэтай схемы: на рахунак чалавека раптоўна прыходзяць нейкія грошы. А праз некаторы час прыходзіць і паведамленне нібыта ад выпадковага адпраўніка: «Прабачце, памыліўся нумарам, вярніце, калі ласка».
Пасля таго на чалавека могуць пачацца розныя формы ціску. Нібыта ўладальнік грошай плачацца, што яны яму тэрмінова патрэбныя, што яны крэдытныя і што ён ужо звярнуўся ў банк.
Калі чалавек паддаецца на ўгаворы і вяртае грошы назад, ён аказваецца ўцягнутым у махлярскую схему: гэтыя сродкі былі скрадзеныя з чужой карты, а ягоная карта выкарыстоўвалася як прамежкавае звяно.
Таму міліцыя раіць: атрымаўшы падобнае паведамленне, трэба адразу звяртацца ў свой банк і дзейнічаць толькі па іх інструкцыі.
Важна паведаміць пра схему сваякам, асабліва пажылым людзям — адна іх памылка можа прывесці да вялікіх праблем.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя6
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары