Мінабароны: Беларусь не плануе ствараць наступальных груповак войскаў
Начальнік Дэпартамента міжнароднага ваеннага супрацоўніцтва Мінабароны Валерый Равенка абвінаваціў Польшчу ў падрыхтоўцы да вайны, але адзначыў, што Беларусь імкнецца да міру.
Генерал-маёр паразважаў пра сітуацыю вакол Беларусі, а таксама пра развіццё беларускай арміі.
Паводле слоў Равенкі, Мінабароны мадэрнізуе армію, аднак колькасць узброеных сіл не павялічвае, паведамляе СТБ.
«Паступова мы мадэрнізуем сваю зброю і ваенную тэхніку. Пры гэтым, звярніце ўвагу, мы не павялічваем колькасць асабістага складу. Гэта значыць, мы дэманструем сваім суседзям, што захоўваемся ў штатах мірнага часу. Гэта азначае, што мы не нясем пагрозы, не плануем ствараць наступальныя групоўкі войскаў і плануем жыць з вамі ў міры, дружбе і згодзе», — адзначыў Равенка.
Ён зноў абвінаваціў Польшчу ў негатыўных намерах, якая, на фоне вайны Расіі супраць Украіны і дыверсійнай дзейнасці расійскіх спецслужбаў, заявіла пра намер павялічыць колькасць войскаў.
«Памятаеце, што яны ў хуткім часе хочуць дасягнуць колькасці ў 300 тысяч — практычна ў два разы больш, чым у іх было 5 гадоў таму. Яны адкрыта пра гэта кажуць. І цікавая іх заява, што яны рыхтуюцца да вайны. І пытанне: да вайны з кім?» — сказаў Равенка.
Генерал таксама паведаміў, што вядзе дыялог і абменьваецца інфармацыяй з шасцю прадстаўнікамі краін НАТА ў Беларусі. Напрыклад, нядаўна заходнім дыпламатам распавялі пра беларускую выбарчую сістэму.
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос27
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5454
Каментары