Беларус прыехаў пасля Новага года на лецішча і ўбачыў нешта прыгожае.
Фота: «Анлайнер»
Лецішча Паўла знаходзіцца ў вёсцы Тарасава ў Мінскім раёне. Там ён і заўважыў ружу, якая расцвіла сярод зімы, піша «Анлайнер».
«Прыехаў агледзець свае ўладанні і тут заўважыў, што вырас вось такі цуд. Думаю, калі такое надвор'е захаваецца, то праз тыдзень ружа распусціцца. Такое бачу ўпершыню», — распавёў Павел.
Мужчына сцвярджае, што ніяк не падкормліваў ружу.
«Гэтую ружу суседзі наогул хацелі выкінуць, а мая жонка яе ўкарэніла, пасадзіла прыкладна 1,5—2 гады таму», — кажа Павел.
Гэта не першы выпадак, калі ружа цвіце так позна. У лістападзе нешта падобнае бачылі ў звычайным двары ў Гродне.
Каментары