У Расіі прадпрымальнік скончыў жыццё самагубствам пасля допыту пра сувязі з беларускай кампаніяй
У Ленінградскай вобласці скончыў жыццё самагубствам Аляксандр Хайдзін, камерцыйны дырэктар групы кампаній «Благо» — вытворцы сланечнікавага алею. Незадоўга да гібелі яго выклікалі ў аддзел барацьбы з эканамічнымі злачынствамі і пыталіся пра бізнэс-сувязі з беларусамі, піша Baza.
15 студзеня 49-гадовы Аляксандр Хайдзін павінен быў заехаць за жонкай пасля працы і адвезці яе на лецішча, але да вечара мужчына перастаў выходзіць на сувязь.
Устрывожаная жанчына пачала шукаць мужа, і неўзабаве прадпрымальніка, якога ў 2022 годзе прызналі адным з найлепшых топ-менеджараў у галіне сельскай гаспадаркі, быў знойдзены мёртвым у гаражы, а побач з ім ляжаў карабін Strasser RS 05 Standard.
Загінулы пакінуў перадсмяротную запіску, у якой дзякаваў жонцы за сумесна пражытыя гады і сцвярджаў, што «яму трэба пайсці».
Незадоўга да гібелі Хайдзін прыйшоў дадому і расказаў жонцы, што яго выклікалі ў аддзел барацьбы з эканамічнымі злачынствамі па пытаннях, звязаных з беларускай кампаніяй «Кубак». Па словах жанчыны, Аляксандр быў моцна засмучаны і сказаў дзіўную фразу: «Можа, мне пайсці?» Але тады жонка не зразумела гэтыя словы.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку22
Каментары