У сацсетках паведамілі, што 17 лютага ад анкалагічнай хваробы памёр Павел Рудзеня — радыёаматар, які праславіўся тым, што, будучы невідушчым ад нараджэння, арганізаваў на кухні сваёй кватэры радыёстанцыю «Мясцовае радыё» з аўдыторыяй каля дзвюх тысяч слухачоў. Яму было 42 гады.
У нулявыя гады Павел стаў знакамітасцю, пра яго шмат пісалі ў прэсе. На ягонай кухні ў Курасоўшчыне пабывалі шматлікія зоркі беларускай эстрады, такія як: Аляксандр Ціхановіч, Аляксандр Саладуха, Ларыса Грыбалёва, Аляксей Хлястоў, Алеся.
У адным з інтэрв'ю ў 2018 годзе расказаў, што быў частым госцем на Беларускім радыё, але толькі да таго часу, пакуль не расказаў у эфіры радыё «Сталіца» пра сваё жаданне запрасіць на інтэрв'ю Лукашэнку. Пасля таго з ім, як ён сцвярджаў, супрацоўнічаць перасталі.
У 2010 годзе Рудзеня атрымаў прафесійную прэмію Аляксандра Папова ў галіне рускамоўнага радыёвяшчання ў спецыяльнай намінацыі «За любоў да радыё».
З 2012 года Павел працаваў на радыёстанцыі Усерасійскага таварыства сляпых, вёў там аўтарскую праграму «Шчырая размова».
Павел Рудзеня стаў прататыпам галоўнага героя п'есы драматурга Дыяны Балыкі «Закахайся не гледзячы!» П'еса была пастаўленая ў Магілёўскім драматычным тэатры.
Цяпер чытаюць
Бабарыка, Золатава і яшчэ некалькі дзясяткаў былых палітвязняў заклікалі еўрапейскіх лідараў актыўней дамаўляцца наконт вызваленняў51
Каментары