Курыца Гастона Жэрара (таксама вядомая як курыца па-дыжонску) — гэта знакаміты французскі рэцэпт курыцы, датаваны 1930-мі гадамі. Курыцу тут гатуюць з сырам, белым віном і дыжонскай гарчыцай.
Паводле легенды, рэцэпт быў створаны выпадкова: быццам бы яго прыдумала жонка мэра Дыжона перад вячэрай з вядомым кулінарным крытыкам таго часу Курнанскім, бо ў страву выпадкова ўпаў гаршчок з папрыкай.
Курыца гатуецца з папрыкай, а затым падаецца з соусам з сыру, белага віна, вяршкоў і дыжонскай гарчыцы.
Каб прыгатаваць курыцу а-ля Гастон Жэрар, спатрэбіцца:
- 1—2 ст. л. алею
- 1—2 ст. л. масла
- 1—1,5 кг цэлай курыцы добрай якасці (тушка, парэзаная на кавалкі)
- соль і перац
- 1—2 ст. л. папрыкі ў выглядзе парашку, салодкай або вострай, на ваш густ
- 150 г сыру — 100 г для соусу і 50 г для пасыпкі
- 200 мл сухога белага віна
- 250 мл густых вяршкоў для ўзбівання
- 2—3 ст. л. дыжонскай гарчыцы
- 1—2 ст. л. паніровачных сухароў
Як гатаваць:
1. Разрэжце курыцу на кавалкі: асобна парэжце тушку, зрэжце галёнкі і крылцы.
2. У чыгунную каструлю на сярэднім агні ўліце алей і дадайце масла, каб яно растала.
3. Дадайце кавалачкі курыцы і прыпраўце соллю і перцам. Абсмажце да лёгкай скарынкі, па 3—4 хвіліны з кожнага боку. Зніміце і адкладзіце.
4. Потым дадайце ў каструлю кавалачкі тушкі і зменшыце агонь да сярэдне-нізкага. Астатнія кавалачкі курыцы раскладзіце па-над тушкай.
5. Пасыпце зверху папрыкай, накрыйце вечкам і зменшыце агонь да мінімуму. Гатуйце 35—40 хвілін.
6. Дастаньце курыцу і перакладзіце яе ў неглыбокую каструлю або посуд для духоўкі. Накрыйце фольгай і трымаеце ў духоўцы пры тэмпературы 60°C.
Зрабіце соус:
1. Рондаль з вадкасцю, дзе гатавалася курыца, пастаўце на моцны агонь і давядзіце да кіпення. Дадайце 100 г сыру і размяшайце, каб ён расплавіўся.
2. Дадайце віно і давядзіце да кіпення на працягу 3 хвілін. Дадайце ½ шклянкі вяршкоў і варыце каля 5—6 хвілін, каб паменшыць колькасць вадкасці, пакуль яна не стане кансістэнцыі такой, «што абвалаквае лыжку».
3. Зніміце рондаль з агню і дадайце дыжонскую гарчыцу. Пакаштуйце соус на смак і прыпраўце па жаданні.
4. Паліце соусам кавалачкі курыцы і пасыпце зверху сырам, які застаўся. Затым пасыпце паніровачнымі сухарамі і запякайце 5—10 хвілін або да з’яўлення лёгкай скарынкі.
Гэта страва вельмі смачная з лустачкамі французскага багета.
Цяпер чытаюць
Чамаданава расказала, што катэгарычна нельга абмяркоўваць на кухнях6
Чамаданава расказала, што катэгарычна нельга абмяркоўваць на кухнях
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары