Kuryca Hastona Žerara (taksama viadomaja jak kuryca pa-dyžonsku) — heta znakamity francuzski recept kurycy, datavany 1930-mi hadami. Kurycu tut hatujuć z syram, biełym vinom i dyžonskaj harčycaj.
Pavodle lehiendy, recept byŭ stvorany vypadkova: byccam by jaho prydumała žonka mera Dyžona pierad viačeraj ź viadomym kulinarnym krytykam taho času Kurnanskim, bo ŭ stravu vypadkova ŭpaŭ harščok z paprykaj.
Kuryca hatujecca z paprykaj, a zatym padajecca z sousam z syru, biełaha vina, viarškoŭ i dyžonskaj harčycy.
Kab pryhatavać kurycu a-la Haston Žerar, spatrebicca:
- 1—2 st. ł. aleju
- 1—2 st. ł. masła
- 1—1,5 kh cełaj kurycy dobraj jakaści (tuška, parezanaja na kavałki)
- sol i pierac
- 1—2 st. ł. papryki ŭ vyhladzie parašku, sałodkaj abo vostraj, na vaš hust
- 150 h syru — 100 h dla sousu i 50 h dla pasypki
- 200 mł suchoha biełaha vina
- 250 mł hustych viarškoŭ dla ŭźbivańnia
- 2—3 st. ł. dyžonskaj harčycy
- 1—2 st. ł. panirovačnych sucharoŭ
Jak hatavać:
1. Razrežcie kurycu na kavałki: asobna parežcie tušku, zrežcie halonki i kryłcy.
2. U čyhunnuju kastrulu na siarednim ahni ŭlicie alej i dadajcie masła, kab jano rastała.
3. Dadajcie kavałački kurycy i prypraŭcie sollu i piercam. Absmažcie da lohkaj skarynki, pa 3—4 chviliny z kožnaha boku. Źnimicie i adkładzicie.
4. Potym dadajcie ŭ kastrulu kavałački tuški i źmienšycie ahoń da siarednie-nizkaha. Astatnija kavałački kurycy raskładzicie pa-nad tuškaj.
5. Pasypcie źvierchu paprykaj, nakryjcie viečkam i źmienšycie ahoń da minimumu. Hatujcie 35—40 chvilin.
6. Dastańcie kurycu i pierakładzicie jaje ŭ niehłybokuju kastrulu abo posud dla duchoŭki. Nakryjcie folhaj i trymajecie ŭ duchoŭcy pry tempieratury 60°C.
Zrabicie sous:
1. Rondal z vadkaściu, dzie hatavałasia kuryca, pastaŭcie na mocny ahoń i daviadzicie da kipieńnia. Dadajcie 100 h syru i raźmiašajcie, kab jon raspłaviŭsia.
2. Dadajcie vino i daviadzicie da kipieńnia na praciahu 3 chvilin. Dadajcie ½ šklanki viarškoŭ i varycie kala 5—6 chvilin, kab pamienšyć kolkaść vadkaści, pakul jana nie stanie kansistencyi takoj, «što abvałakvaje łyžku».
3. Źnimicie rondal z ahniu i dadajcie dyžonskuju harčycu. Pakaštujcie sous na smak i prypraŭcie pa žadańni.
4. Palicie sousam kavałački kurycy i pasypcie źvierchu syram, jaki zastaŭsia. Zatym pasypcie panirovačnymi sucharami i zapiakajcie 5—10 chvilin abo da źjaŭleńnia lohkaj skarynki.
Heta strava vielmi smačnaja z łustačkami francuzskaha bahieta.
Ciapier čytajuć
Kaśmičnaja turystka Maryna Vasileŭskaja vyjšła zamuž za kasmanaŭta Navickaha? Jany nosiać piarścionki23
Kamientary