Расіянін паспрачаўся, што прысядзе 2 тысячы разоў. Заклад ён выйграў, але ў яго сталі ныркі
21-гадовы жыхар Уладзівастока паспрачаўся з калегамі, што пераб'е рэкорд блогера і прысядзе 2 тысячы разоў. У выніку хлопец быў шпіталізаваны.
Хлопец прысядаў з 6 вечара да 3 ночы, а раніцай не змог устаць з ложка. «Тры дні спрабаваў жыць як звычайна і хадзіў на працу — пакуль не заўважыў, што яго мача стала карычневай», распавядае канал Mash.
Хлопца паклалі ў стацыянар. Там выявілася, што ў яго стаюць ныркі, паведамляе Уладзівастоцкая клінічная бальніца.
«Аналізы паказалі высокія паказчыкі ўрэміі — стану, пры якім у крыві назапашваюцца прадукты абмену рэчываў, што можа прывесці да незваротных наступстваў», — распавялі ў бальніцы.
Функцыя нырак зніжана і цяпер і патрабуе доўгага аднаўлення — ад трох месяцаў да года. Мікіта схуднеў на 7 кілаграмаў з вечара прысяданняў.
Які прыз выйграў у закладзе расіянін, не паведамляецца.
Цяпер чытаюць
Муж галоўнай гераіні прапагандысцкага фільма БТ скончыў жыццё самагубствам10
Каментары
З.ы. Хейтары ўсяго і ўся, што варушыцца за Оршай, ваша дасціпнасць годная лепшага прымянення, чым жарцікі з няшчаснага зожніка. Пакуль ён не бегае з аўтаматам і не "можа паўтарыць", хай жыве, з такімі рашка будзе крыху адэкватнейшаю.
У сярэднім гэта менш як 4 разы за хвіліну. На першы погляд выглядае як камфортны, спакойны рэжым "спаборніцтва". Ніякага ліміту часу. Можна было і вады папіць, і якой гарбаты на травах, і яблык ці іншай садавіны-гародніны ( і не толькі) паесці, і WC шмат разоў наведаць. Дзіўна ...