Грамадства2323

Лукашэнка абмеркаваў з Рыжанковым «крокі па аднаўленні даверу з заходнімі краінамі»

Гэтая заява прагучала на фоне запланаванай тэлефоннай размовы прэзідэнтаў ЗША і Расіі.

Фота: Maxim Shemetov Pool Photo via AP

Аляксандр Лукашэнка 18 сакавіка абмеркаваў з міністрам замежных спраў Максімам Рыжанковым крокі па аднаўленні даверу ў адносінах з партнёрамі, у тым ліку з шэрагам заходніх дзяржаў. Пра гэта кіраўнік замежнапалітычнага ведамства расказаў журналістам па выніках рабочай сустрэчы з Лукашэнкам, піша БелТА.

Аляксандр Лукашэнка ва ўступным слове акрэсліў шэраг пытанняў для абмеркавання. Гэта прапрацоўка візітаў, рэалізацыя планаў па развіцці супрацоўніцтва, у тым ліку з Кітаем. Сярод тэм таксама праца на пляцоўцы Еўразійскага эканамічнага саюза і падрыхтоўка да правядзення саміту з улікам старшынства Беларусі ў гэтым інтэграцыйным аб’яднанні ў бягучым годзе. Акрамя таго, ён плануе правесці нараду з беларускімі пасламі.

«Таксама быў абмеркаваны шэраг пытанняў, звязаных з рэалізацыяй пэўных нашых крокаў і крокаў нашых партнёраў па аднаўленні даверу ў адносінах. Гэта датычыла, у тым ліку, і шэрагу заходніх дзяржаў», — адзначыў Максім Рыжанкоў.

Якія менавіта пытанні абмяркоўваліся ў гэтым кантэксце, міністр не ўдакладніў. Аднак яшчэ ў канцы мінулага года Лукашэнка, напрыклад, расказваў пра просьбы ЗША пашырыць дыпламатычную прысутнасць у Беларусі.

Адносіны Мінска з заходнімі суседзямі, Еўрасаюзам і ЗША пагоршалі ў 2021—2022 гадах.

Спачатку ў Беларусі пачаліся масавыя рэпрэсіі, у выніку якіх некалькі соцень тысяч беларусаў вымушаныя былі шукаць прытулку ў суседніх краінах. Адначасова з гэтым разгарнулася кампаніі ачарнення Захаду і распальвання варожасці да суседніх краін. У маі 2021 года Мінск прымусова пасадзіў самалёт авіякампаніі «Раянэйр», што Польшча і Літва назвалі актам паветранага пірацтва. Пры канцы 2021 года з беларускай тэрыторыі пачаліся арганізаваныя атакі мігрантаў на суседнія краіны, якія суправаджаліся прапагандысцкімі спецаперацыямі. Нарэшце, саўдзел Беларусі ў нападзе на Украіну ў лютым 2022 года прывёў адносіны з суседзямі да пункту замярзання. 

Сустрэча Лукашэнкі з Рыжанковым адбылася пасля вяртання першага з Масквы, дзе ён сустракаўся з Уладзімірам Пуціным і на фоне вычарпання Расіяй магчымасцей наступу ва Украіне, дзе вайна зайшла ў тупік. Звяртае ўвагу, што заява аб «кроках па аднаўленні даверу з заходнімі краінамі» прагучала ў дзень, калі мае адбыцца тэлефонная размова прэзідэнтаў ЗША і Расіі, падчас якой, як можна чакаць, Масква пагодзіцца на прапанову Украіны і ЗША аб прыпыненні агню на 30 дзён.

Каментары23

  • даведка
    18.03.2025
    Лукашенко обсудил с Рыженковым вопрос «шагов по восстановлению доверия с западными странами», а БТ сегодня вечером добьёт эту тему своим новым кино.
  • Веры тебе нет, чревоугодник.
    18.03.2025
    На западе нет ни одного политика с таким количеством содержимого в кишечнике (лайна).
  • Адліга
    18.03.2025
    Ціханоўскай падрыхтавацца на выезд на Радзіму.

Цяпер чытаюць

Каспяровіча перад гібеллю дапытвалі ў польскай контрразведцы — распытвалі пра візы для агентаў ААЦ з пашпартамі прыкрыцця і пра Бульбу15

Каспяровіча перад гібеллю дапытвалі ў польскай контрразведцы — распытвалі пра візы для агентаў ААЦ з пашпартамі прыкрыцця і пра Бульбу

Усе навіны →
Усе навіны

У Магілёве мужчына заснуў на рэйках, трапіў пад цягнік, але застаўся жывы

Пракоп'еў і Лібер напісалі ліст да Макса Каржа14

У МЗС расказалі падрабязнасці гібелі беларускай турысткі ў Бураціі

Рубіа: Ключавым элементам заканчэння вайны РФ супраць Украіны будзе пытанне тэрыторый9

Дроны атакавалі НПЗ у Краснадарскім краі РФ — бушуюць пажары

«Быў проста валанцёрам». Што вядома пра начальніка аховы штаба Бабарыкі, якога паказалі па АНТ1

Барацьба за птушку: у краме ў Заслаўі жыве канарэйка. Гэта падабаецца не ўсім

«Як звычайнаму чалавеку зняць сабе кватэру, калі там цэннік — 900, 1200?» У якім горадзе Беларусі арандаваць жыллё танней за ўсё4

У Бураціі загінула турыстка з Беларусі

больш чытаных навін
больш лайканых навін

Каспяровіча перад гібеллю дапытвалі ў польскай контрразведцы — распытвалі пра візы для агентаў ААЦ з пашпартамі прыкрыцця і пра Бульбу15

Каспяровіча перад гібеллю дапытвалі ў польскай контрразведцы — распытвалі пра візы для агентаў ААЦ з пашпартамі прыкрыцця і пра Бульбу

Галоўнае
Усе навіны →

Заўвага:

 

 

 

 

Закрыць Паведаміць