Стала вядома, калі і за колькі пачнуць прадаваць адзіны супольны поліс АСАГА для Беларусі і Расіі
Адзіная сістэма павінна спрасціць жыццё вадзіцелям, якія часта перасякаюць мяжу Беларусі і Расіі. Заключэнне такіх полісаў будзе ажыццяўляцца толькі ў электронным выглядзе, піша OL.
Дакумент дазваляе вадзіцелям дзвюх краін за дадатковую плату дадаць да тэрыторыі пакрыцця свайго поліса Беларусь або Расію. У выпадку ДТЗ кампенсацыю страт будуць вызначаць па заканадаўстве той краіны, дзе адбылося здарэнне.
Па ўказе «Аб страхаванні» для аўтамабіляў з аб'ёмам ад 1800 да 2500 куб. см такая страхоўка на 15 дзён абыдзецца ў 1,57 базавай велічыні (65 рублёў 94 капейкі), на год — 3,88 БВ (162 рубля 96 капеек). Пры гэтым для ІП і юрыдычных асоб такая ж страхоўка будзе каштаваць на 15 дзён 1,36 БВ (57 рублёў 12 капеек), а на год — 3,68 БВ (154 рубля 56 капеек).
Для грузавікоў кошт такога АСАГА ад 16 да 27 тон уключна на 15 дзён каштуе 4,24 БВ (178 рублёў 8 капеек), а на год — 10,74 БВ (451 рубель 8 капеек). Спецтарыфы прадугледжаны таксама на аўтамабілі расійскай і савецкай вытворчасці, якія выпушчаны да 1 ліпеня 2025 года, — напрыклад, ВАЗ, КамАЗ, «Масквіч» і інш.
За пашырэнне поліса на Беларусь расейцам давядзецца заплаціць ад 3400 расейскіх рублёў. Для грузавых аўтамабіляў мінімальная стаўка — 7560 расійскіх рублёў.
Дарэчы, для аўтамабілістаў ёсць таксама варыянт «Сіняй карты». Для тых, хто едзе на легкавым аўтамабілі з Беларусі ў Расію не больш як на 15 дзён, яна будзе каштаваць 0,86 БВ, або 36 рублёў 12 капеек, а гадавы поліс — 9,32 БВ (391 рубель 44 капейкі). Для грузавікоў адпаведна 1,73 БВ (72 рублі 66 капеек) на 15 дзён і 18,55 БВ (779 рублёў 1 капейка) на год.
Цяпер чытаюць
«Паша, я табе не веру». Севярынец расказаў, як выпадковая дзяўчына матывавала яго назаўсёды перайсці на беларускую мову3
Каментары