Брэсцкі блогер паказаў, як кітайскі электракар бачыць зданяў на могілках ВІДЭА
Брэсцкі блогер Васька Пілот (Васіль Пашалюк) апублікаваў у інстаграме відэа, на якім сістэма дапамогі кіроўцу кітайскага электрамабіля Lixiang L7 у начны час «выявіла» людзей на могілках, дзе ў рэальнасці, зразумела, нікога не было. Відэа знята з салона аўтамабіля падчас руху, піша Telegraf.news.
Відэа знята з салона аўтамабіля падчас руху па тэрыторыі могілак. На экране мультымедыйнай сістэмы адлюстроўваюцца схематычныя фігуркі людзей у тых месцах, дзе, мяркуючы па ўсім, размешчаныя надмагіллі, помнікі і крыжы.
Сістэма, якая выкарыстоўвае лідар для сканавання навакольнай прасторы, памылкова інтэрпрэтуе гэтыя аб'екты як жывых людзей.
Ролік здабыў папулярнасць, а каментары пад відэа застракацелі самымі рознымі здагадкамі і жартамі, некаторыя нават могуць здацца «чорнымі».
Некаторыя карыстальнікі спрабавалі знайсці рацыянальнае тлумачэнне:
«Можа, счытвае фота з помнікаў», — выказаў меркаванне адзін з іх. Іншыя ж, наадварот, убачылі ў гэтым, хоць і жартам, містычны падтэкст: «Сувязь з замагільным светам. Тэхналогіі!» — захоплена напісаў іншы падпісант.
Знайшліся і тыя, хто задаўся пытаннем пра межы магчымасцяў сістэмы распазнання:
«Гэта значыць калі паставіць драўляны слупок і на яго наклеіць фота твару чалавека, ён будзе яго ўспрымаць як чалавека?»
«Купляйце Lixiang тыя, хто любіць адрэналін», — іранізуе адзін з каментатараў, намякаючы на вострыя адчуванні ад «зносін» з віртуальнымі пешаходамі.
«Усе ногі ў іх». У Камянецкім раёне сутыкнуліся з атакай лясных насякомых
Касы самаабслугоўвання сталі патрабаваць ад беларусаў сканаваць адразу па два коды. Навошта?
«Ледзь не перахрысцілася». Галасавы памочнік Аліса шакаваў карыстальнікаў сваёй беларускай мовай
Мінчук прапанаваў купіць чызбургер з «Макдональдса», замарожаны ў 2022 годзе. Цана кусаецца
Цяпер чытаюць
«Я гатовая стаць міністрам эканомікі Беларусі». Новы твар у Кабінеце Аліса Рыжычэнка — пра карупцыю на карысць Лукашэнак, Зарэцкую і рэформы18
Каментары