Золата на сусветным рынку патаннела да мінімуму амаль за тры месяцы
Біржавыя ф’ючарсы на золата з пастаўкай у снежні 22 кастрычніка патаннелі больш чым на 2% — да 4055 даляраў за тройскую ўнцыю на 17:00 паводле мінскага часу. Паводле меркавання аналітыкаў Trading Economics, падзенне цэн звязанае з падаражаннем нафты і асцярогамі інвестараў наконт росту інфляцыі.
Найніжэй цана золата апускалася да 4051,7 даляра за ўнцыю. Гэта мінімальны ўзровень з пачатку жніўня. Срэбра таксама патаннела: яго кошт апусціўся ніжэй за 56 даляраў за ўнцыю, наблізіўшыся да мінімуму амаль за тры месяцы.
На фоне абвастрэння напружанасці на Блізкім Усходзе нафта маркі Brent 22 кастрычніка ўпершыню з мая ў дзённы час падаражэла больш чым да 112 даляраў за бараль. Да вечара яе кошт крыху знізіўся — да 111,3 даляра.
Адначасова даходнасць скарбовых аблігацый ЗША дасягнула найвышэйшага ўзроўню за тыдзень. У такой сітуацыі інвестары аддаюць перавагу даўгавым інструментам, якія прыносяць даход, а не золату, валоданне якім звязанае з выдаткамі.
Раней праз падзенне сусветных цэн на каштоўныя металы Міністэрства фінансаў Беларусі рэзка знізіла закупачныя цэны на золата, срэбра і плаціну, якія насельніцтва здае дзяржаве.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары