На Брэстчыне затрымалі 25-гадовага крыптавалютчыка. У яго канфіскуюць больш за 2,5 мільёна рублёў
Паводле МУС, 25-гадовы хлопец займаўся незаконным абаротам крыптавалюты.
Фота: vecteezy.com
Паводле прэс-службы МУС, хлопец выступаў пасрэднікам у фінансавых аперацыях: здзяйсняў здзелкі на спецыялізаваных біржах, займаўся лічбавымі актывамі, у тым ліку выкрадзеных у грамадзян Беларусі.
Праваахоўнікі затрымалі яго падчас чарговай незаконнай аперацыі.
Паводле дадзеных МУС, нелегальны абарот склаў больш за 2,5 мільёна беларускіх рублёў.
На парушальніка складзены пратакол аб адміністрацыйным правапарушэнні па факце незаконнай прадпрымальніцкай дзейнасці. Паводле заканадаўства, яму пагражае буйны штраф і канфіскацыя крыптавалюты і сродкаў, якія праходзілі праз яго электронныя кашалькі.
Каментары