Мінадукацыі змяніла патрабаванні для беларускіх школьнікаў. За што перастануць зніжаць адзнакі
Змены датычацца дыктоўкі і творчых работ па беларускай і рускай мовах у пачатковай, сярэдняй і старэйшай школе.
Міністэрства адукацыі сваёй пастановай унесла змяненні ў нормы ацэнкі вынікаў вучэбнай дзейнасці па прадметах «Беларуская мова» і «Руская мова», піша 1prof.by.
У прыватнасці для пачатковай школы (1-4 класы) па беларускай і рускай мовах змяняюцца нормы ацэнкі слоўнікавай дыктоўкі. Яны стануць больш лаяльнымі.
Напрыклад, пры наяўнасці адной нягрубай памылкі зараз можна атрымаць «9». Раней «дзявятку» ставілі, калі такіх няма зусім, але прысутнічае адно выпраўленне на месцы нягрубай памылкі.
Ацэнку «7» зараз паставяць за дзве памылкі (раней — за адну), «6» — за тры памылкі (раней — дзве), «5» — 4 памылкі (раней — тры), «4» — 5 памылак (раней — 4), «3» — 6 памылак (раней — 5), «2» — 7 памылак (раней — 7). Дакладна такія ж патрабаванні прыняты і для вучняў сярэдняй і старэйшай школы ў 5-11 класах.
Таксама больш лаяльнымі сталі нормы ацэнкі тэкставай дыктоўкі і творчых работ па беларускай і рускай мовах.
Цяпер чытаюць
Муж Сямашкі быў не адзіным, хто атрымаў пашпарт прыкрыцця 13 лютага 2018 года46
Каментары