Дэмі Мур расказала, як ёй атрымліваецца захоўваць маладосць і фігуру
62-гадовая зорка Дэмі Мур распавяла, як прыняцце свайго цела, здаровае харчаванне і новае стаўленне да жыцця дапамагаюць ёй выглядаць цудоўна.
Актрыса Дэмі Мур распавяла пра сваё стаўленне да цела і прыгажосці. У 90-я гады, падчас здымак у такіх фільмах, як «Прывід», «Непрыстойныя прапановы», «Стрыптыз» і «Салдат Джэйн» яна моцна кантралявала вагу і фізічную форму, «карала» сябе дыетамі і інтэнсіўнымі трэніроўкамі.
«Я была вельмі жорсткай да сябе і спрабавала дамінаваць над сваім целам. Гэта было сапраўднае самакатаванне», — прызналася актрыса ў інтэрв'ю PEOPLE.
Пасля здымак у «Салдат Джэйн» у 1997 годзе Мур зразумела, што страціла сувязь са сваім целам і вырашыла адпусціць кантроль.
З таго часу Мур перайшла да больш інтуітыўнага падыходу: яна слухае сваё цела, калі яно «просіць ежы ці вады», і не дзейнічае праз страх. Сёння яна амаль на 18 кг лягчэйшая, чым у маладосці.
Штодзённы распарадак Дэмі ўключае кароткую медытацыю, запаўненне дзённіка і харчаванне карыснай ежай:
— Я не супраць каларыйнай ежы, галоўнае, каб там было шмат пажыўных рэчываў. Я не ем мяса, але ем яйкі. Галоўнае — прыслухоўвацца да свайго цела. Я п'ю шмат вады, каб не блытаць пачуццё голаду са смагай, — адзначае Демі Мур.
Галоўная аснова рацыёну актрысы — гэта прадукты з высокім утрыманнем бялку.
Хоць Мур і прызнаецца, што часам не можа адмовіцца ад Red Bull («але толькі адна бляшанка»), яна не імкнецца да ідэалу: «Я не дасканалая. І гэта нармальна».
Разважаючы пра старэнне, актрыса падкрэслівае важнасць прыняцця сябе: «Я навучылася цаніць усё, праз што прайшло маё цела. Бо яно дала жыццё тром дзецям і па сёння мае выдатнае здароўе».
Дэмі Мур прызнаецца, што і цяпер бывае незадаволеная сваім адлюстраваннем у люстэрку, але: «Гэта ўжо не вызначае маю каштоўнасць ці тое, хто я ёсць».
Каментары