Паводле даных Расстата, у першым квартале рост ВУП у Расіі склаў толькі 1,4% у параўнанні з тым жа перыядам летась — гэта ў тры разы менш, чым у апошнім квартале 2024 года, і амаль у чатыры разы менш, чым у першым квартале мінулага года, піша The Moscow Times.
Гэтыя лічбы аказаліся горшымі, чым чакалі расійскае Міністэрства эканамічнага развіцця і незалежныя аналітыкі. У параўнанні з папярэднім кварталам эканоміка нават скарацілася на 0,4% — упершыню з 2022 года.
Запаволенне назіраецца ва ўсіх сферах: прамысловасць замест росту на 5,7% паказала ўсяго 1,1%, рознічны гандаль таксама замарудзіўся, а аптовы гандаль пачаў скарачацца. Паводле даных за красавік, сітуацыя працягвае пагаршацца — вытворчасць скарачаецца, транспартны грузапаток па расійскіх чыгунках упаў амаль на 10%.
Ёсць верагоднасць, што ў другім квартале Расія афіцыйна ўвойдзе ў тэхнічную рэцэсію (двойчы запар адмоўны рост ВУП).
Урад працягвае спадзявацца на рост ВУП на 2,5% за год, але рэальнасць можа быць значна больш сціплай — каля 1%, як мяркуюць эксперты.
Сярод прычын запаволення: строгая грашовая палітыка ЦБ, санкцыі, праблемы з імпартам, высокая інфляцыя і нізкія цэны на нафту. Напрыклад, у красавіку расійская нафта Urals каштавала толькі $54 за барэль замест запланаваных $70, а ў сярэдзіне мая — ужо $50.
У выніку бюджэт недаатрымаў значную частку нафтагазавых даходаў — яны ўпалі на 10%, а дэфіцыт бюджэту за студзень—красавік вырас амаль утрая. Урад нават пачаў разглядаць магчымасць скарачэння выдаткаў на 2026 год.
Пры гэтым, як ні парадаксальна, нават мірнае пагадненне з Украінай можа нанесці новы ўдар па эканоміцы. Бо каля 40% мінулагодняга росту забяспечылі дзяржаўныя выдаткі на вайну і выплаты кантрактнікам. Калі вайсковыя выдаткі скароцяць, гэта прывядзе да росту беспрацоўя і незадаволенасці ў рэгіёнах.
Эксперты мяркуюць, што нават у выпадку міру Пуціну давядзецца яшчэ некаторы час падтрымліваць высокі ўзровень выдаткаў на абарону, каб пазбегнуць эканамічнага крызісу.
Цяпер чытаюць
Хто тая Аліна, з якой Лукашэнка танцаваў гэтым разам на навагоднім балі18
Каментары
Сама, никогда и ничего не генерировала.