У табуне тарпанападобных коней з сакавіка з’явілася больш за 20 жарабятаў.
Папаўненне адбылося ў табуне тарпанападобных коней, завезеных у Налібоцкую пушчу з-за мяжы ў 2019 годзе. З сакавіка гэтага года нарадзілася ўжо больш за 20 жарабят, і новыя — на падыходзе, піша sb.by.
У заказніку адзначаюць, што кабыл з прыкметна акругленымі бакамі, якія вось-вось стануць матулямі, хапае.
Сёння ў нас звыш 200 тарпанаў, падлічвае намеснік дырэктара рэспубліканскага ландшафтнага заказніка «Налібоцкі» Сяргей Тумель:
— На самай справе іх было б яшчэ больш, але ў першую чаргу з клопатам пра іх камфорт, зручнасць з 2023 года мы пачалі рассяляць нашых конікаў па іншых прыродаахоўных установах Беларусі. Напрыклад, адправілі ў заказнік «Спораўскі», парк «Дыпрыз», «Белавежскую пушчу»… І, думаецца, гэта толькі пачатак аднаўлення ў нас папуляцыі гэтых коней.
Паглядзець на табун незвычайных коней прыязджаюць турысты не толькі з усёй Беларусі. Сяргей Тумель акцэнтуе ўвагу на правілах бяспекі для гасцей заказніка. Так, наведваць месцы пражывання тарпанаў можна строга ў суправаджэнні супрацоўнікаў «Налібоцкага». Нельга карміць і блізка падыходзіць да тарпанападобных коней, якія, як і задумана прыродай, павінны заставацца дзікімі.
-
У Пружанах са стралянінай затрымлівалі кіроўцу без правоў
-
«Дзяўчына недзе праз сем секунд ужо пікіравала без пілота». Сябар дэльтапланерыста, які разбіўся ў Строчыцах, расказаў, што прывяло да трагедыі
-
«Парваў сабе дыяфрагму і кішкі, наноў вучыўся хадзіць». Унук аўтара «Калыханкі» Васіля Раінчыка распавёў, як трапіў у страшную аварыю
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы71
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары