25 мая на рацэ Капаюўцы ў Брэсцкім раёне птушкаркі Кацярына Крупянкова і Настасся Сяргеева адзначылі рэдкую залётную госцю — горную пліску. Птушка актыўна кармілася на мелкаводдзі, піша «Дзікая прырода побач».
Цікава, што першую горную пліску ў Беларусі адзначылі ў снежні 2008 года і доўгі час гэтую птушку назіралі толькі ўзімку. Але ў апошнія гады было некалькі назіранняў гэтых птушак улетку і вясной.
У 2023 годзе ў суседняй Польшчы зарэгістравалі першае гнездаванне горнай пліскі на мяжы з Беларуссю. Такім чынам гнездаванне гэтага віду на хуткіх халодных рэчках магчыма і ў нашай краіне. Трэба назіраць уважліва.
Горная пліска — тыповы жыхар гор Еўропы, дзе селіцца каля рэк.
Самец горнай пліскі нагадвае жоўтую пліску, але спіна ў яго шэрая, а не зялёная. Яшчэ ён мае ўвесну на горле чорную пляму.
Жоўтая пліска жыве на паплавах/лугах, а горная — на рэчках. Жоўтагаловая пліска любіць сажалкі і вільготныя паплавы, мае шэрую спінку, але выразную жоўтую галаву ў самцоў.
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс21
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары