Мінскага крымінальнага аўтарытэта асудзілі за палітыку і прызналі экстрэмістам
Алег Ерашэнкаў атрымаў чарговы тэрмін — але цяпер з палітычным адценнем.
Мінскі абласны суд вынес прысуд 59-гадоваму Алегу Ерашэнкаву (ранейшае прозвішча — Ламакін). Механіка з аўтасэрвісу, якога дзяржаўныя медыя называлі «аўтарытэтам з пэўных колаў», асудзілі па цэлым пакеце артыкулаў, у тым ліку і палітычных. За кошт гэтага рэцыдывіст трапіў у міліцэйскі спіс «экстрэмістаў».
У прысудзе Ерашэнкава два палітычныя артыкулы — заклікі да захопу ўлады (361 ч.3) і ўваходжанне ў склад экстрэмісцкага фарміравання (361-1 ч.3). А таксама набор непалітычных — дапамога ў прымусе да выплаты доўгу, пагроза забойства, разбой і нават распусныя дзеянні ў дачыненні асобы, маладзейшай за 16 гадоў.
У абвінавачванні быў яшчэ артыкул пра публічную дэманстрацыю порна, але ён урэшце адваліўся.
Апроч таго, сілавікі не трацяць надзеі даказаць, што менавіта Ерашэнкаў здзейсніў забойства ў 1997 годзе. Тады з ягонага рэвальвера забілі чалавека, але Ерашэнкаў даводзіць, што страляў не ён.
Агулам жа ў Ерашэнкава шмат ранейшых судзімасцяў за разбой, крадзяжы, угоны, а таксама іншыя злачынствы.
Цяпер чытаюць
Пяць пытанняў, якія застаюцца пасля смерці экс-выкладчыка БНТУ Шчукіна, што ўцякаў ад міліцыі11
Каментары
Хочешь, не хочешь, а, подходы и действия скотного двора, тебя вытолкнут в политику, если ты не соглашаешься на роль безмолвного раба и обслуги скотного двора лукашенко.
Гэта ўлада здурнела даўно ад не змяняемасці, і ўжо гадзіць нацыі сваёй нязменнай дурасцю. Блін, слоў няма.