Баевікі ХАМАС расстралялі пяць палесцінцаў, якія спрабавалі ўзяць ежу са складу ААН
У сектары Газа ўзброеныя баевікі ХАМАС застрэлілі пяцёх палесцінцаў, якія спрабавалі прарвацца на склад з гуманітарнай дапамогай. Інцыдэнт адбыўся ў лагеры Аль-Магазі, дзе захоўваліся пастаўкі Сусветнай прадуктовай праграмы ААН.
Склад быў захоплены ХАМАС, а доступ да прадуктаў, у тым ліку мукі, для насельніцтва быў перакрыты, піша Bild.
Баевікі сістэматычна перахопліваюць гуманітарныя грузы, каб затым прадаваць іх па завышаных цэнах. Пры гэтым, паводле назіральнікаў, насельніцтва Газы ўсё часцей выказвае нязгоду — падобныя сцэны супраціву раней былі немагчымымі.
З пачатку гэтага тыдня раздача ежы зноў пачалася — цяпер яе арганізуе амерыканская структура Gaza Humanitarian Foundation пры падтрымцы арміі Ізраіля і прыватных ахоўных кампаній. ААН удзелу не прымае: Ізраіль абвінавачвае яе ў супрацоўніцтве з ХАМАС. Тэрарысты ў адказ заклікалі да байкоту пунктаў выдачы.
«Мы ўпэўненыя, што наш народ будзе трываць голад, але не працягне руку да акупанта па дапамогу», — заявіў прадстаўнік ХАМАС Асама Хамдан.
Нягледзячы на пагрозы, многія палесцінцы дзяжураць каля пунктаў раздачы ежы з ночы, каб апынуцца першымі ў чарзе. У сацыяльных сетках тым часам з'яўляюцца відэа, дзе людзі дзякуюць ЗША за падтрымку.
Цяпер чытаюць
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай29
Каментары
Дробязь, зноў хамас некага забіў.