Маці расказала, як страціла дачку, калі той было 3 гады, а вярнулі ў 9, дзякуючы мінскім памежнікам
У ноч на 22 мая пры афармленні рэйса Мінск—Дубай у сталічным аэрапорце памежнікі затрымалі мужчыну і дзяўчынку з пашпартамі грамадзян Расіі, дакументы выклікалі падазрэнні. Цяпер маці дзяўчынкі, якая 5 гадоў чакала дачку, расказала АНТ сваю сямейную гісторыю.
Шэсць гадоў таму ў Санкт-Пецярбургу знік мужчына разам з трохгадовай дачкой. Маці дзяўчынкі не губляла надзеі зноў убачыць сваё дзіця. Гады пошукаў, звароты ў праваахоўныя органы, і толькі праз гады справу завялі па артыкуле аб забойстве. Аднак дзяўчынка аказалася жывой, і гісторыя мела шчаслівы фінал.
Маці дзяўчынкі, Маргарыта Лазарава, расказвае, што яны з мужам пражылі ў шлюбе 11 гадоў. Але калі нарадзілася сумеснае дзіця, муж рэзка змяніўся. У жанчыны ўжо была старэйшая дачка ад першага шлюбу, інвалід з дыябетам. Мужчына яе гадаваў з трох гадоў, але пасля нараджэння Златы стаў да старэйшай дзяўчынкі жорстка ставіцца — замыкаў у пакоі, не дазваляў хадзіць у туалет, ізаляваў ад іншых.
«Я бачыла, што гэта ўсё — небяспечна, і вырашыла разводзіцца. Я прапанавала яму мірнае рашэнне: жыць побач і разам гадаваць дачку, але ён адмовіўся», — кажа Маргарыта.
У 2019 годзе шлюб быў афіцыйна скасаваны, а месца жыхарства дзіцяці прызначылі з маці. Але бацька з гэтым не згадзіўся.
Ён забраў Злату, калі Маргарыта была на працы. Разам з дзяўчынкай забраў усе яе рэчы, у тым ліку сямейны фота– і відэаархіў, і знік. «Трохгадовае дзіця, якое літаральна толькі што сядзела ў мяне на грудзях — і вось яго няма», — кажа Маргарыта.
Гады яна не ведала, дзе яе дачка, ці жывая яна. З-за таго, што бацька не быў пазбаўлены бацькоўскіх правоў, справу не хацелі распачынаць. Толькі ў 2021 годзе Маргарыта дабілася пазбаўлення яго бацькоўскіх правоў і крымінальнай справы. Мужчыну абвясцілі спачатку ў федэральны, а пасля і ў міжнародны вышук.
Каб схавацца, ён мяняў месцы жыхарства, дакументы, знешнасць. Маскіраваўся пад святара, прымушаў дачку чытаць Біблію ў грамадскім транспарце, каб не выклікаць падазрэнняў. Перад самым уцёкам з Расіі яны жылі ў Наварасійску, затым паехалі праз Мінск у Дубай, адтуль збіраліся ў Мексіку, а потым — перабрацца ў ЗША.
Але ў мінскім аэрапорце іх спынілі беларускія памежнікі. Памежніца заўважыла дзіўныя паводзіны дзяўчынкі, якая маўчала і была вельмі замкнёнай. «Звычайна дзеці, якія едуць з бацькамі, актыўныя, гаваркія. А яна — ні слова. А на ўсе мае пытанні адказваў толькі мужчына», — распавядае памежніца.
Дакументы таксама выклікалі падазрэнні. У выніку мужчыну затрымалі, а дзяўчынку перадалі маці.
Маргарыта не верыла, што гэта адбываецца насамрэч. Яна кажа, што дачка яе «пазнала, прыняла».
Злата за гады жыцця з бацькам ніколі не хадзіла ў школу — толькі ў дзіцячы сад. Усе гэтыя гады яна была ізаляваная, без зносін з іншымі дзецьмі. «Ён яе нават навучыў новаму прозвішчу, новай даце нараджэння. Але яна ўсё памятае», — кажа Маргарыта.
Цяпер дзяўчынка вярнулася дадому. Яе чакае адаптацыя, навучанне, зносіны з псіхолагамі. А яе бацьку чакае экстрадыцыя ў Расію, дзе яму пагражае да 7 гадоў пазбаўлення волі за выкраданне дачкі. У Беларусі яму інкрымінуюць незаконнае перасячэнне мяжы і выкарыстанне падробленых дакументаў.
Маргарыта не выключае магчымасці, што калісьці дачка зможа ўбачыць бацьку. Кажа, што не будзе ёй забараняць, але гэта будзе толькі праз спецыялістаў, педагогаў і псіхолагаў. «Яна ўсё сама зразумее — яна разумная», — гаворыць маці.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць26
Каментары
>не губляла надзеі - надзею ТОЛЬКІ СТРАЧВАЮЦЬ!!
потерять страціць
(преимущественно о конкретных предметах) згубіць
потерять из виду — а) згубіць з вачэй б) (упустить) выпусціць з-пад увагі
потерять сознание — страціць прытомнасць
потерять сумку — згубіць сумку